महाधिवेशन कार्यतालिकामा सहमति जुट्न सकेन, भाेली फेरि बस्ने – Naya Bikalpa
November 21, 2026, Saturday      Epaper
नेपाली कांग्रेस केन्द्रीय कार्यसमिति बैठकः

महाधिवेशन कार्यतालिकामा सहमति जुट्न सकेन, भाेली फेरि बस्ने



नयाँ बिकल्प ।

काठमाडौं नेपाली कांग्रेस केन्द्रीय कार्यसमितिको बैठकमा पार्टी नेताहरुबीच पार्टीको १४औँ महाधिवेशनको कार्यतालिका संशोधन गर्ने विषयमा सहमति जुट्न सकेन।

सभापति शेरबहादुर देउवा निवास बुढानीलकण्ठमा बिहीबार दिउँसोदेखि बसेको केन्द्रीय कार्यसमितिमा महामन्त्री पूर्ण बहादुर खड्काले केन्द्रीय निर्वाचन समितिले पारित गरेर पठाएको निर्वाचन निर्देशिका प्रस्तुत गरेका थिए।

सो प्रस्तावमा पनि सहमति जुट्न नसकेको एक केन्द्रीय सदस्यले बताए। केन्द्रीय कार्यसमिति सदस्यहरुको सुझावका आधारमा महाधिवेशनको परिवर्तित कार्यतालिका आउने प्रवक्ता विश्वप्रकाश शर्माले संचारकर्मीलाई बताए। बैठकमा महामन्त्री खड्काले प्रस्तुत गरेको निर्वाचन निर्देशिकामा छलफल गरी प्राप्त हुने राय, सुझाव बमोजिम बैठक सकिँदा निर्देशिका पारित गरिने प्रवक्ता शर्माको दाबी छ।

बैठकमा क्रियाशील सदस्यता छानबिन समितिका संयोजक रमेश लेखकले समितिको तर्फबाट विवरण पेश गरेका थिए। यस्तै समायोजन समितिका संयोजक विमलेन्द्र निधिले समायोजन समितिले यस अवधिमा गरेका कामको विवरण पेश गरेका थिए। केन्द्रीय समिति बैठकमा सरकार सञ्चालन, कोरोना महामारी नियन्त्रणको सम्बन्धमा पनि छलफल भइरको छ। बैठक भोलि पनि बस्ने भएको छ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ श्रावण २८, १९: २७

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ श्रावण २८, १९: २७

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ श्रावण २८, १९: २७

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...