प्रधानमन्त्री देउवासँग जसपा नेता महन्थसहितका नेताको भेट – Naya Bikalpa
November 21, 2026, Saturday      Epaper

प्रधानमन्त्री देउवासँग जसपा नेता महन्थसहितका नेताको भेट


नयाँ बिकल्प ।


काठमाडौं । प्रधानमन्त्री शेरबहादुर देउवा र जनता समाजबादी पार्टीबाट निकालिएका नेता महन्थ ठाकुरबीच आज प्रधानमन्त्रीको सरकारी निवास बालुवाटारमा भेटघाट भएको छ।

निर्वाचन आयोगले जनता समाजबादी पार्टी नेपालको आधिकारिकता उपेन्द्र यादव समूहलाई दिएपछि जसपाबाट कसरी अलगत हुने भन्ने विषयमा ब्यवहारिक र कानूनी परामर्श गरिरहेका ठाकुर समूहका नेताहरुले प्रधानमन्त्री देउवासँग मंगलबार बिहान भेटघाट गरेका हुन्।

जसपाका नेताहरूले नागरिकतासम्बन्धी विधेयक, मधेस आन्दोलनका मुद्दा फिर्ता, लाल आयोगको प्रतिवेदन सार्वजनिक, संविधान संशोधनलगायत माग सम्बोधनका लागि प्रधानमन्त्रीको ध्यानाकर्षण गराएका थिए।

सो भेटमा निर्वाचन आयोगको निर्णयका कारण आफू अलग पार्टी गठन गर्न बाध्य भएको तर राजनीतिक दल सम्वन्धी कानूनले गर्दा ४० प्रतिशत केन्द्रीय समिति र संसदीय दलमा पुर्याउन गाह्रो भएको बताएका थिए। प्रधानमन्त्री देउवाले भने त्यस्तो कानूनी जटिलता र व्यवहारिक कठिनाइको निकासकै लागि आफूले राजनीतिक दल सम्वन्धी कानूनमा संशोधन अध्यादेशमार्फत गर्ने आश्वासन दिएका थिए ।

सो अवसरमा प्रधानमन्त्री देउवाले आफूले संसद्मा विश्वासको मत लिने बेलामा मधेसका माग सम्बोधन गर्ने सम्बन्धमा प्रतिबद्धता व्यक्त गरिसकेको बताउँदै सरकार व्यवस्थित भएपछि माग सम्बोधन प्रक्रिया अघि बढ्ने जवाफ दिएको भण्डारीले बताए ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ भाद्र १, १५: ११

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ भाद्र १, १५: ११

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ भाद्र १, १५: ११

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...