बुधवार शेयर उच्च बिन्दुमाः एकै दिन २१ अर्ब रूपैयाँ बढीको कारोबार – Naya Bikalpa
November 21, 2026, Saturday      Epaper

बुधवार शेयर उच्च बिन्दुमाः एकै दिन २१ अर्ब रूपैयाँ बढीको कारोबार


नयाँ बिकल्प ।


काठमाडौं । शेयर कारोबार मापक नेप्से परिसूचक हालसम्मकै उच्च विन्दुमा पुगेको छ । बुधबार नेप्से परिसूचक ३८ दशमलव ७१ अङ्कले बढेर ३ हजार १९९ दशमलव शुन्य तीन अङ्कमा पुगेर नयाँ रेकर्ड बनाएको छ।


यसअघि शेयर बजार तीन हजार १ सय ७९ अंकमा पुगेर नयाँ रेकर्ड बनाएको थियो। नेप्से परिसूचकसँगै कारोबारमा पनि बुधबार उत्साह देखिएको छ।


बुधबार २१ अर्ब, ३१ करोड, ३४ लाख ८९ हजार २६९ रुपैयाँको कारोबार भइर विगतमा भएका कारोबार आकारको रेकर्ड तोडेको छ। ठूला कम्पनीको कारोबार सूचक सेन्सेटिभ इन्डेक्स पनि ५ दशमलव दुई शुन्य अङ्कले बढेर ५९८ दशमलव शुन्य तीन पुगेको छ।


बुधबार सिभम सिमेन्ट, अरुण भ्याली जलविद्युत कम्पनी, जीवन विकास लघुबित्त कम्पनी, अरुण काबेल जलविद्युत कम्पनीको शेयर मुल्य १० प्रतिशतसम्म बृद्धि भयो।


त्यस्तै, आँखु खोला जलविद्युत कम्पनी, महालक्ष्मी विकास बैंक, लुम्विनी विकास बैंक, गुडविल फाइनान्स कम्पनीका लगानीकर्ताहरुले ९ प्रतिशतभन्दा बढी आम्दानी गरे।


बुधबार कारोबार रकमको आधारमा नेसनल हाईड्रोपावर कम्पनीको शेयर सबैभन्दा बढी कारोबार भयो। यो कम्पनीको ७८ करोड ८६ लाख, ७०, अपि पावर कम्पनीको ६३ करोड ४६ लाख ५८ हजार, लुम्विनी विकास बैंकको ५९ करोड ६८ लाख ९२ हजार रुपैयाँभन्दा बढीको कारोबार भयो।


धेरै कारोबार गर्ने अन्य कम्पनीमा महालक्ष्मी विकास बैंकको ५७ करोड ६८ लाख ९२ हजार, ज्योति विकास बैंकको ५६ करोड, कामना सेवा विकास बैंकको ५६ करोड, सानिमा माई हाइड्रोको ४० करोड, अरुण भ्यालीको ४५ करोड र नेपाल बैंक लिमिटेडको ४३ करोड रुपैयाँ बराबरको शेयर खरिद विक्री भएको छ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ भाद्र २, १५: ३९

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ भाद्र २, १५: ३९

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ भाद्र २, १५: ३९

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...