प्रदिप नेपालले भने ‘म माधव नेपालको मान्छे’ – Naya Bikalpa
November 21, 2026, Saturday      Epaper

प्रदिप नेपालले भने ‘म माधव नेपालको मान्छे’


नयाँ बिकल्प ।


काठमाडौ । नेकपा एमालेका संस्थापक नेता प्रदीप नेपाल आफू माधवकुमार नेपालद्धारा बुधबार गठन गरेको नेकपा एमाले (समाजबादी) तर्फ नै आफू रहेको बताएका छन्।


बिहिबार सामाजिक सञ्जाल फेसबुकमा नेता नेपालले आफू माधव नेपालकै मान्छे भएको उल्लेख गर्दै अहिले आफ्नो कुनै कमिटी नभएको र ६ वर्षदेखि कमिटिविहीन अवस्थामा रहेको बताएका छन्।


प्रदिप नेपालले फेसबुकमा स्टाटस लेख्दै भनेका छन्–‘म माधव नेपालको मान्छे हुँ । अहिले मेरो कुनै कमिटी छैन । छ वर्षदेखि म कमिटीविहीन अवस्थामा छु।’

एमाले बरिष्ठ नेता माधव कुमार नेपालले बुधबार निर्वाचन आयोग पुगेर नयाँ दल दर्ताका लागि निवेदन दिएको बेला नेता नेपालको नाम पनि समेटिएको थियो।

यसअघि नेकपा एमालेका नेता नेपालले आफू माधवकुमार नेपाल नेतृत्वको एमाले समाजवादी पार्टीमा नरहेको बताएका थिए। पार्टीको केन्द्रीय कमिटीमा ९५ जनाको नाम छ। सूचीमा नेपालको नाम चार नम्बरमा थियो।

उनले एमालेभित्रको झगडामा आफू माधव नेपाल र केपी ओली कतै पनि नरहेको जनाएका थिए। आफू माक्र्सवादी रहेको र आफ्नो व्यक्तिगत स्वतन्त्रता कसैको अधिनमा राख्न नसकेको स्टाटस भने हटाएका छन्।


प्रधानमन्त्री शेरबहादुर देउवाको सिफारिसमा दलसम्बन्धी अध्यादेश राष्ट्रपतिबाट जारी भएसँगै बुधबार तत्कालीन एमालेका वरिष्ठ नेता नेपालले नयाँ दल दर्ता गर्दा उनको नाम राखेका थिए।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ भाद्र ३, १४: ४७

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ भाद्र ३, १४: ४७

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ भाद्र ३, १४: ४७

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...