धितोपत्र बोर्डका अध्यक्ष ढुंगाना र स्टक एक्सचेन्जका कार्यकारी अधिकृत साउदलाई निलम्बन गर्न माग – Naya Bikalpa
November 21, 2026, Saturday      Epaper

धितोपत्र बोर्डका अध्यक्ष ढुंगाना र स्टक एक्सचेन्जका कार्यकारी अधिकृत साउदलाई निलम्बन गर्न माग


नयाँ बिकल्प ।


काठमाडौं । नेपाल धितोपत्र वोर्डका अध्यक्ष भिष्पमराज ढुंगाना र नेपाल स्टक एक्सचेन्जका कार्यकारी अधिकृत चन्द्रसिंह साउदलाई निलम्बर गरी कारबाही गर्न संघीय संसदको संसदीय समितिले माग गरेको छ।

शेयर बजारमा भएको इन्साइडर ट्रेडिङको विषयमा बहालवाला वा पूर्वन्यायाधीशको संयोजकत्वमा छानबिन समिति बनाउन सांसदहरूले माग गरेका छन्। शुक्रबार संसदको अर्थसमितिमा सहभागी सांसदहरूले ढुंगाना र साउदलाई निलम्बन गर्न अर्थमन्त्री जनार्दन शर्मासँग यस्तो माग अघि सारेका हुन्।

पूर्वअर्थमन्त्री सुरेन्द्र पाण्डेले ‘पूर्वन्यायाधीश वा माथिल्लो लेभलबाट छानबिन र अनुसन्धान गर्न माग गरे। सांसद रामबहादुर यादवले व्यक्ति दोषी देखिएको भन्दै तत्काल निलम्बन गरेर छानबिन हुनुपर्ने बताए । नेपाल धितोपत्र बोर्डका अध्यक्ष भिष्मराज ढुंगानाको छोरीको नाममा सर्वोत्तम सिमेन्टको शेयर खरिद गरेको भेटिएको छ।


नेपाल स्टक एक्सचेञ्जका प्रमुख कार्यकारी अधिकृत चन्द्रसिंह साउदले पनि श्रीमतीको नाममा सेयर किनेका छन्। नियामक निकायको नेतृत्वमा बसेर भित्री सूचनाको आधारका सेयर किनिएको भन्दै सांसदहरूले छानबिन गरी कडा कारबाही गर्न माग गरे।

सांसद सत्या पहाडीले पूर्वसरकारले गरेका नियुक्तिहरुमा कमजोरी रहेको र अन्य पनि विस्तारै खुल्दै जाने बताइन्। दोषीलाई कारबाही नहुने भए यसले गलत संस्कार बस्ने बताइन्।

सांसद रामकुमारी झाक्रीले बोर्डका कर्माचारीहरुले नै धितोपत्र बोर्ड अध्यक्षका विषयमा धेरै प्रश्न उठाएकाले यसलाई सामान्य रुपमा नलिइ संलग्नलाई तत्कालै निलम्बन गरी छानबिन गर्न गरिन्।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ भाद्र ४, १४: ४४

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ भाद्र ४, १४: ४४

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ भाद्र ४, १४: ४४

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...