अतिवादी हमलाले उद्धार कार्य रोकिन्न : बाइडेन

एजेन्सी,

काबुल- अमेरिकी राष्ट्रपति जो बाइडेनले काबुलमा तालिवान हमलाका बाबजुद अमेरिकाले आफ्ना नागरिकलाई स्वदेश फर्काउने बताएका छन्।

राजधानी काबुलममा जिहादीको बम हमलापछि बाइडेनले आफ्ना नागरिकको उद्धार कार्य जारी राखिने बताएका हुन्।

‘काबुलबाट हाम्रा नागरिकलाई स्वदेश फर्काउने अभियान हामीले पूरा गर्छौं’, बाइडेनले भने।

बिहीबार जिहादीले गरेको शक्तिशाली विस्फोटमा १३ अमेरिकी फौजसहित ६० जनाको मृत्यु भएको थियो। अमेरिका, बेलायतलगायतका मुलुकले काबुल विमानस्थलमा अतिबादी हमला हुन सक्ने सावधानी दर्शाइरहेका बेला अतिवादीले विस्फोट गराएका हुन्।

गत अगस्टमा तालिवानले सत्तापलट गरेपछि अहिलेसम्म १ लाख मानिस काबलु विमानस्थलबाट बाहिरिएका छन्। अझै हजारौं मानिस स्वदेश फर्किन काबुल विमानस्थलमा पालो कुरेर बसिरहेका छन्।

स्वदेश फर्किने विदेशी सेनासँगै देश छोड्न चाहने अफगानीका कारण काबुल विमानस्थल अस्तव्यबस्त बनेको छ। तालिवानले सर्वसाधरण नागरिकलाई विमानस्थलमा जान रोक लगाउँदै आएको छ।

पहिलो विस्फोट विमानस्थल प्रवेश गर्ने अबे गेटमा भएको थियो। त्यसको केही मिनेटपछि नजिकैको होटलमा अर्को विस्फोट भएको थियो। सो होटलमा बेलायती सेनासँगै लन्डन फर्किन चाहने अफगानी सर्वसाधरण बसेका थिए।

बिहीबारको हमलाको जिहादीले जिम्मा लिएका छन्। यसैबीच सो आक्रमणपछि राष्ट्रपति बाइडेनले जिहादीलाई क्षमा नदिने बताएका छन्।