नेकपा एकीकृत समाजबादी संसदीय दलको नेतामा नेपाल, राष्ट्रिय सभामा दलकाे नेता भुषाल – Naya Bikalpa
November 21, 2026, Saturday      Epaper

नेकपा एकीकृत समाजबादी संसदीय दलको नेतामा नेपाल, राष्ट्रिय सभामा दलकाे नेता भुषाल


काठमाडौं । नवगठित नेकपा एकीकृत समाजवादी पार्टीको संघीय संसदीय दलको नेतामा पार्टीका अध्यक्ष माधवकुमार नेपाल सर्वसम्मत चयन भएका छन्।

नेकपा एकीकृत समाजवादी संसदीय दलको आइतबार संसद भवन नयाँ बानेश्वरमा बसेको बैठकले नेपाललाई दलको नेता चयन गरेको सांसद रामकुमारी झाँक्रीले जानकारी दिइन्। राष्ट्रिय सभा संसदीय दलको नेतामा भने बेदुराम भुषाल सर्बसम्मतले चयन भएका छन् ।

नेकपा एमालेबाट अलग भएर नेता नेपालको अध्यक्षतामा गत भदौ ९ गते नेकपा एकीकृत समाजवादी पार्टी दर्ता भएको थियो। संसदीय दलको बैठकले पार्टीको प्रमुख सचेतक र सचेतकमा कसलाई चयन गर्ने भन्ने निर्णय नगरी त्यसको जिम्मा अध्यक्ष नेपाललाई नै दिएको छ।

नेता नेपालसँग ३० सांसद रहेका छन्। एकीकृत समाजबादी पार्टी चाँडै देउवा नेतृत्वको सरकारमा सहभागी हुने तयारीमा छ। त्यसको लागि आइतबार बसेको संसदीय दलको बैठकले नेता नेपाललाई सरकारमा जाने मन्त्री छान्ने जिम्मेवारी पनि दिएको छ।

बैठकले बैठकले संसदीय दलको विधान निर्माण गर्न सांसद भवानी खापुङ, लक्ष्मी चौधरी, निरा जैरु, शेरबहादुर कुँवर र खगेन्द्रप्रसाद पुरी रहेको एक समिति गठन गरेको छ। दलको बैठकले कोभिड नियन्त्रण, बाढी पहिरो प्रभावितलाई राहत तथा उद्धारका लागि सरकारको ध्यानाकर्षण गराउने निर्णय गरेको छ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ भाद्र १३, १७: ११

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ भाद्र १३, १७: ११

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ भाद्र १३, १७: ११

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...