मुख्यमन्त्री भएको १४ दिनमै शाक्य अल्पमतमाः एमालेका १२ प्रदेश सदस्य एकीकृत समाजबादीमा – Naya Bikalpa
November 21, 2026, Saturday      Epaper

मुख्यमन्त्री भएको १४ दिनमै शाक्य अल्पमतमाः एमालेका १२ प्रदेश सदस्य एकीकृत समाजबादीमा


काठमाडौं । तत्कालिन नेकपा एमाले बागमती प्रदेश संसदीय दलको नेतामा सर्बसम्मत चयन भए लगतै गत भदौ २ गते मुख्यमन्त्री भएकी अष्टलक्ष्मी शाक्यको पद १४ दिनमै अल्पमतमा परेकी छन्।

एक सय १० प्रदेशसभा सदस्य रहेको बागमती प्रदेशमा तत्कालिन नेकपा एमालेसँग बहुमत अर्थात ५७ जना सांसद थिए। तर, तत्कालिन नेकपा एमालेबाट अलग भई माधव कुमार नेपालको नेतृत्वमा गठन भएको नेकपा एकीकृत समाजवादीमा बागमती प्रदेशका १२ सदस्य प्रवेश गरेसँगै मुख्यमन्त्री शाक्यको पद धरापमा परेको हो।

५७ सदस्यीय एमाले संसदीय दलका ११ सदस्य नयाँ दल नेकपा एकीकृत समाजबादीमा जाने भनी मंगलबार निर्वाचन आयोगमा गएर सनाखत गरेपछि शाक्यको मुख्यमन्त्री पद धरापमा परेको हो।

प्रदेश निर्वाचन कार्यालय, हेटौंडामा उपस्थित भइ एमालेका प्रदेशसभा सदस्य राजेन्द्र पाण्डे, मुनु सिग्देल, रमा आले मगर, लक्ष्मण लम्साल, बसुन्धरा हुमागाईं, माधव पौडेल, वसन्त मानन्धर, पार्वती सिलवाल, कुसुम कार्की, इन्द्रमाया गुरुङ र राजेन्द्रमान श्रेष्ठले एकीकृत समाजवादीका नाममा सनाखत गरेका हुन्।

अष्टलक्ष्मी शाक्यले नियुक्त गरेकी सामाजिक विकास मन्त्री कृष्ण खनाल भने यसअघि नै एकीकृत समाजबादीको केन्द्रीय सदस्यमा रहेको सनाखत निर्वाचन आयोगमा भइसकेको छ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ भाद्र १५, १५: ३५

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ भाद्र १५, १५: ३५

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ भाद्र १५, १५: ३५

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...