
काठमाडौं । प्रधानमन्त्री तथा नेपाली कांग्रेसका सभापति शेरबहादुर देउवाले एमालेका सांसद महेश बस्नेतलाई आगामी चुनावमा कांग्रेसका भक्तपुर सभापति दुर्लभ थापासँग चुनावमा हराएर आएपछि आफूसँग चुनावको प्रतिष्पर्धामा आउन चुनौति दिएका छन्।
नेपाली कांग्रेसको १४औं महाधिवशेनको आजदेखि शुरू भएको वडा अधिवेशनको भक्तपुरस्थित सूर्यविनायक नगरपालिका वडा नं–५ कटुञ्जेमा उद्घाटन गर्दै सभापति देउवाले एमाले सांसद बस्नेतलाई पहिला जिल्ला सभापति दुर्लभ थापालाई चुनाव हराएर देखाउन चुनौती दिएका हुन्।
‘कांग्रेस सशक्तरूपमा अघि बढीससकेको छ। महेश बस्नेतजीले मलाई चुनाव लड्न चुनौती दिएछन्। बस्नेतजीले मलाई होइन भक्तपुरबाट हाम्रो पार्टी सभापति दुर्लभ थापालाई चुनाव हराएर देखाउनुस्।’
भक्तपुर क्षेत्र नम्बर २ मा बस्नेतले २०७४ सालको आमनिर्वाचनमा कांग्रेस नेता तथा पूर्वसभामुख दमननाथ ढुंगानालाई दोब्बर मतान्तरमा पराजित गरेका थिए। केही दिनअघि उनले भक्तपुरमा अब कांग्रेस शिला खोज्नुपर्ने भन्दै सभापति देउवालाई आफूसँग चुनाव लड्न चुनौती दिएका थिए।
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...