भारतीय प्रधानमन्त्रीको पुत्ला दहन घटनाप्रति गृहको आपत्तिः संलग्नमाथि कारबाहीको चेतावनी – Naya Bikalpa
November 21, 2026, Saturday      Epaper

भारतीय प्रधानमन्त्रीको पुत्ला दहन घटनाप्रति गृहको आपत्तिः संलग्नमाथि कारबाहीको चेतावनी


काठमाडौं । गृह मन्त्रालयले भारतका प्रधानमन्त्री नरेन्द्र मोदीको पुत्ला जलाएको घटनाप्रति गम्भीर ध्यानाकर्षण भएको भन्दै छिमेकी देशका प्रधानमन्त्रीको प्रतिष्ठामा आँच आउने गरी पुत्ला दहन गरेकामा आपपित्त जनाएको छ।

गृह मन्त्रालयका प्रवक्ता फणीन्द्रमणि पोखरेलले आइतबार विज्ञप्ति जारी गर्दै मित्रराष्ट्रहरु विरुद्ध लक्षित हुने गतिविधि नियन्त्रण गर्न र त्यस्ता गतिविधिमा संलग्नलाई कारबाही गरिने चेतावनी दिइएको छ।

दार्चुलामा नेपाली नागरिक महाकाली नदि तर्ने क्रममा तुइनबाट खसेर नदिमा बेपत्ता भएको घटनालाई लिएर माधवकुमार नेपाल नेतृत्वको नेकपा एकीकृत समाजवादीको विद्यार्थी संगठनले शुक्रबार भारतीय प्रधानमन्त्री नरेन्द्र मोदीको प्रदर्शनीमार्गस्थित आरआर क्याम्पसअघि पुत्ला दहन गरेको थियो।

‘नेपाल सरकार सबै मित्रराष्ट्रहरुसँग पारस्परिक सम्बन्ध अझ प्रगाढ बनाउन चाहन्छ र नेपाली भूमिमा कुनै पनि राष्ट्रविरुद्धका गतिविधि हुन नदिने विषयमा कटिवद्ध छ। मित्रराष्ट्रहरुसँगको स्वाभिमान र सम्मानमा आँच आउने कुनै पनि क्रियाकलाप नगर्न सबैलाई आग्रह गरिन्छ’ मन्त्रालयले जारी गरेको विज्ञप्तिमा जनाइएको छ।

यसअघि मन्त्रालयले शुक्रबार विज्ञप्तिमार्फत विदेशी दातृ राष्ट्र र निकायको सहयोगमा संचालित विकास आयोजना प्रभावित हुने गरी गरिएका क्रियाकलापप्रति आपत्ति जनाउँदै त्यस्तो कार्यमा संलग्नलाई कानून बमोजिम कारबाही गर्ने चेतावनी दिएको थियो ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ भाद्र २०, १४: ५४

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ भाद्र २०, १४: ५४

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ भाद्र २०, १४: ५४

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...