संखुवासभाको मादीमा एकै परिवारका ६ जना हत्याका आरोपी लोकबहादुर सार्वजनिक – Naya Bikalpa
November 21, 2026, Saturday      Epaper

संखुवासभाको मादीमा एकै परिवारका ६ जना हत्याका आरोपी लोकबहादुर सार्वजनिक


काठमाडौँ — प्रहरीले संखुवासभाको मादी नागरपालिका वडा नं.–१ उम्लिङस्थित खोलागाउँका तेजबहादुर कार्कीसहित परिवारका ६ जनाको हत्याको आरोपमा पक्राउ परेका लोकबहादुर कार्कीलाई आज सार्वजनिक गरेको छ ।


नातामा भतिजा पर्ने छिमेकी लोकबहादुर कार्कीलाई प्रहरीले आइतबार बिहान पत्रकार सम्मेलन गरी सार्वजनिक गरेको हो। प्रहरीले लोकबहादुरलाई शनिबार पक्राउ गरेको थियो।


हत्या गरिएका व्यक्तिहरुको टाउकोमा गहिरो चोट लागेको पाइएको छ । हत्या गर्ने क्रममा टाउकोमा नै प्रहार गरको पाइएको प्रहरीले जनाएको छ। हत्या गरिएका तेजबहादुरको नातामा भतिजा पर्ने २६ बर्षिया लोकबहादुरले सबैको हत्या आफू एक्लैले गरेको स्वीकारेका थिए।


अभियुक्त लोकबहादुरले आफूलाई तेजबहादुरले घृणा गरेका कारण भदौ २१ गते बिहान ५ देखि ६ बजेको बीचमा उनको हत्या गरेको र उनको हत्या गर्दा प्रतिवाद गर्न खोज्ने हजुरआमा, ठूलीआमा, भाउजु र भतिजाहरुको पनि हत्या गरेको प्रहरीलाई जनाएका थिए।


लोकबहादुरले ८४ वर्षकी हजुरआमा पार्बता, ५८ वर्षे ठूलाबुवा तेजबहादुर, ५२ बर्षे ठूलीआमा कमला, ३२ वर्षे भाउजु रञ्जना, ११ बर्षे भतिजो दिपेन र सात बर्षिया भतिजी गोमा कार्कीको हत्या गरेको प्रहरीसँगको बयानमा बताएका छन्।


कार्की परिवारका ६ जनाको हत्याको खबर गाउँलेलाई सबैभन्दा पहिले लोकबहादुरले नै दिएका थिए। प्रहरीले अनुसन्धामा प्रयोग गरेको कुकुरले पनि लोकबहादुर तर्फ नै संकेत गरेको थियो। प्रहरीलाई लोकबहादुरको घरमा रगत लागेको एउटा कपडा फेला परेपछि शंकाको सुई लोकबहादुर तिर नै तर्सिएको थियो।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ भाद्र २७, १२: २२

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ भाद्र २७, १२: २२

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ भाद्र २७, १२: २२

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...