
काठमाडौं । प्रतिनिधिसभाको आइतबारको बैठक पनि नेकपा एमालेका सांसदहरुले अवरुद्ध पारेका छन्। नेकपा एमालेले गत भदौ १ गते पार्टीबाट निष्कासित गरेका माधवकुमार नेपाल लगायतका १४ सांसदलाई सभामुखले मान्यता नदिएको विरोधमा एमालेले लगातार संसद अवरोध गर्दै आएको हो।
एमालेले कारबाही गरी सभामुखलाई जानकारी दिए पनि नेता नेपालसहितका तत्कालिन १४ सांसदलाई कारबाही नगरेको भन्दै आइतबार प्रतिनिधि सभाको बैठक शुरु हुनासाथ एमाले सांसदहरु वेलमा आई नाराबाजी गरिरहेका हुन्। आइतबार दिउँसाे १ बजेर २५ मिनेटमा शुरू भएकाे बैठक सांसदहरूकाे बारम्बारकाे नाराबाजीपछि सभामुख अग्नीप्रसाद सापकाेटाले १५ मिनेटकाे लागि बैठक स्थगित गरेका छन् ।
प्रतिनिधिसभाको आजको बैठक शुरु हुनुअघि नेकपा एमालेका अध्यक्ष एवं संसदीय दलका नेता केपी शर्मा ओलीले सभामुख सापकोटा सभामुखको कुर्सीमा बस्न लायक नभएको आरोप लगाउँदै प्रतिपक्षी दल फुटाउन सभामुखको ‘षड्यन्त्रपूर्ण संलग्नता’ भएकाले संसदको अवरोध कायम राख्न आफ्ना सांसदहरुलाई निर्देशन दिएका थिए।

उनले पार्टीले तोकेका नाराहरु मात्र लगाउन र संसदीय मर्यादामा बसेर विरोध गर्न उनले सांसदहरुलाई निर्देशन दिएका छन्। शुक्रबार प्रतिस्थापन विधेयक पेश गर्ने क्रममा एमाले सांसदहरुले रोष्टममा चढ्ने प्रयास गरेका थिए भने गृहमन्त्रीको माइक खोसेका थिए । त्यसको चर्को आलोचना भएपछि एमालेले सांसदहरुलाई प्रशिक्षित गर्न भन्दै आइतबार संसदीय दलको बैठक राखेको थियो।
ओलीले भने ‘हामी वेलमा जान्छौं । नारा लगाउँछौं । सामान्य अवस्था आयो भने विस्तारै नारा लगाउने, अलिकति बढी एग्रेसिभ भएर सभामुख वा सत्तापक्ष आउँदा चर्को आवाजमा लगाउने हुनसक्छ । तर हामीले नारा लगाउने र बेलमा जाने भन्दा बाहिर जानु हुँदैन ।’

भिडियाे…
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...