भदौ ३०देखि बजेट पास नभएसम्म सरकारी खर्च नहुने सम्भावना – Naya Bikalpa
November 21, 2026, Saturday      Epaper
संसदमा बिनियोजन विधेयक पेश तर, पारित नहुँदै असोज ४ सम्म बैठक स्थगित

भदौ ३०देखि बजेट पास नभएसम्म सरकारी खर्च नहुने सम्भावना


काठमाडौं । सरकारले प्रतिनिधि सभाको २३ गते शुरु भएको १०औं अधिवेशनका हरेक बैठकमा प्रमुख प्रतिपक्षी दल नेकपा एमालेका सांसदहरुले अबरोध गरे पनि नियमित प्रक्रियाबाट नै बजेट पारित गराउन मंगलबार सदन समक्ष विधेयक पेश गरेको छ।
अर्थमन्त्री जनार्दन शर्माले मंगलबार १ः१० बजे शुरु भएको प्रतिनिधि सभाको बैठकमा एमाले सांसदहरुको नाराबाजीका बीच नै विनियोजन विधेयक २०७८लाई विचार गरियोस भन्ने प्रस्ताव सदन समक्ष राखेका थिए।

उनले राखेको प्रस्तावमाथि नेपाल मजदुर किसान पार्टीका प्रेम सुवालले मात्र विचार राखेका थिए। सो प्रस्ताव सदनको बहुमतले स्वीकृत गरेको छ। सरकारले विधेयक प्रस्तुत गरेसँगै सदनबाटै विधेयक पारित गराउने तर्फ अघि बढेको स्पस्ट हुन्छ।

सरकारले बजेटमाथि सदनमा छलफल चलाएर बजेट कसरी पारित गराउने भन्ने विषय विपक्षी एमालेका सांसदको अबरोधले सकस निम्त्याएको छ। बजेट पारित नहुँदै सभामुख अग्नीप्रसाद सापकोटाले प्रतिनिधिसभाको बैठक असोज ४ गतेसम्मका लागि स्थगित गरेका छन्।
तर संशोधनसहित बजेट पारित नगरी बैठक असोज ४ गतेसम्मका लागि स्थगित भएको हो।

अघिल्लो केपी शर्मा ओली नेतृत्वको सरकारले जेठ १५ गते ल्याएको अध्यादेशको प्रतिस्थापन विधेयक पारित नहुँदै संसद बैठक असोज ४ गतेसम्मका लागि स्थगित गरिँदा भदौ ३० गतेपछि सरकारले सरकारी खर्च कसरी गर्छ भन्ने संकट देखिएको छ।

प्रतिस्थापन विधेयक भदौ ३० गतेसम्म पारित नभएपछि स्वतः निष्क्रिय हुने देखिन्छ। अर्थमन्त्री जनार्दन शर्माले नियमित प्रक्रियाबाटै बजेट पारित गरेर अघि बढ्ने बताए। उनले कर उठाउने विशेष व्यवस्था भएकोले एक साता जति खर्च नहुने वा खर्च रोक्नुपर्ने अवस्था आउन सक्ने बताए।
पेश्की खर्च गर्नेतर्फ सरकार नलाग्ने भनदै मन्त्री शर्माले बजेट ल्याउन अर्को अध्यादेश नआउने र विधेयक पास गरेर नियमित प्रक्रियाबाटै आउने बताए।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ भाद्र २९, १४: ०८

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ भाद्र २९, १४: ०८

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ भाद्र २९, १४: ०८

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...