
काठमाडौं । प्रमुख प्रतिपक्षी दल नेकपा एमालेको भ्रातृ संस्था युवा संघ नेपालका केन्द्रीय सदस्य रुसिल कटुवालाई ठगीको अभियोगमा महानगरिय अपराध महाशाखाले पक्राउ गरेको छ।
धरान उपमहानगरपालिका–९ घर भएका कटुवालले नुवाकोटका एक व्यक्तिसँग मोरङको केराबारीस्थित जग्गा देखाएर बैना रकम लिएर अर्कै व्यक्तिलाई जग्गा पास गरेका थिए। बैना रकम लिएर फिर्ता नगरेपछि पीडित नुवाकोटका उद्धवप्रसाद अधिकारीले उजुरी दिएका थिए।
अधिकारीसँग कुटवालले ६८ लाख ९० हजार बैना रकम लिएका थिए। जग्गा पनि पास नगर्ने र बैना बापतको रकम पनि फिर्ता नगरी सम्पर्कविहीन भएका कटुवाल केही समय अदालतबाट ‘पक्राउ नगर्नु’ भन्ने अन्तरिम आदेश लिएर बसेका थिए।
उच्च अदालत पाटनले सो आदेश खारेज गरेपछि महाशाखाबाट खटिएको टोलीले मंगलबार उनलाई पक्राउ गरेको हो। सो ठगी प्रकरणमा संलग्न मोरङ केराबारी घर भएका धीरजकुमार दाहाललाई प्रहरीले खोजी गरेको भए पनि हाल फरार छन्।
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...