
काठमाडौं । प्रधानमन्त्री तथा नेपाली कांग्रेसका सभापति शेरबहादुर देउवाले पार्टीको आसन्न महाधिवेशको पूर्वतयारी तथा गृहकार्यको लागि पार्टीका शीर्ष नेताहरुसँग छलफल शुरु गरेका छन्।
प्रधानमन्त्रीको सरकारी निवास बालुवाटारमा सभापति शुक्रबार दिउँसो तीन बजेबाट सभापति देउवाले पार्टी नेता रामचन्द्र पौडेल, महामन्त्री डा. शशांक कोइराला र पूर्णबहादुर खड्काबीच छलफल गरेका छन्। यसअघि आजै देउवाले नेता डा. मिनेन्द्र रिजालसँग भेटवार्ता गरि बालुवाटारबाट बाहिरिएका थिए।
सभापति देउवाले विहीबार साँझ मात्र पौडेल समूहका नेता पूर्वमहामन्त्री प्रकाशमान सिंहसँग वान टू वान वार्ता गरेका थिए। सभापतिका दाबेदार सिंहले देउवासँग वान टू वान संवाद गर्नुलाई अर्थपूर्ण रुपमा हेरिएको छ। भेटमा नेता सिंहले मन्त्रिपरिषद् बिस्तार गर्दा काठमाडौ जिल्लाको प्रतिनिधित्व नछुटाउन देउवासँग आग्रह गरेका थिए।
दुई नेताबीचको भेट महाधिवेशनको समीकरण वा गठबन्धनको विषय नभएको स्रोतले बतायो। क्रियाशील सदस्यता विवाद टुंग्याउन बाँकी १० जिल्लाका सन्दर्भमा छलफल भएको स्रोतले बतायो।
पार्टीको क्रियाशिल सदस्यता केन्द्रीय छानविन समितिले टुंगो लगाउन नसकेको जिल्लाहरुको क्रियाशिल सदस्यता बिबाद समाधान गर्न जिम्मेवारी पाएको पूर्वमन्त्री कृष्णप्रसाद सिटौला नेतृत्वको कार्यदलले २१ मध्ये ११ जिल्लाको बिबाद समाधान गरे पनि अझै १० जिल्लाको बिबाद वाँकी छ।
सुर्खेत, डोल्पा, रसुवा, बाँके –१, बारा, रौतहट, सर्लाही–२, धनुषा–४, सिरहा र सप्तरीको क्रियाशील सदस्यता विवाद टुंगिएको छैन। २० जिल्लाका लागि असोज ५ गते तय गरिएको वडा अधिवेशन फेरि प्रभावित हुने अवस्था आएको छ।
भदौ १८ गतेदेखि २५ गतेसम्म ५७ जिल्लामा वडा अधिवेशन सम्पन्न भएको छ भने क्रियाशील सदस्यता विवादका कारण २० जिल्लामा महाधिवेशन असोज ५ गते गर्ने नयाँ मिति तोकिएको छ। निर्वाचन समितिका संयोजक महादेव यादवले शनिबारसम्म सदस्यताको सूची नपाए ५ गते पनि २० जिल्लामा अधिवेशन गर्न नसकिने बताएका छन्।
विवाद टुंगिएका काठमाडौं, मोरङ, काभ्रेपलाञ्चोक, सिन्धुपाल्चोक, बाजुरा, कपिलवस्तु, कैलाली महोत्तरी, पर्षा र बर्दियामा निर्वाचन अधिकृत खटाइएको छ। क्रियाशील सदस्यता छानविन समितिका सदस्य प्रदीप पौडेलले शनिबारसम्ममा सबै जिल्लाको क्रियाशील सदस्यता सार्वजनिक हुने बताए।
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...