देउवा र पौडेलबीच बैठकमा चर्काचर्कीपछि देउवा बाहिरिएः पालिकाको अधिवेशन मिति फेरि सर्यो – Naya Bikalpa
November 21, 2026, Saturday      Epaper

देउवा र पौडेलबीच बैठकमा चर्काचर्कीपछि देउवा बाहिरिएः पालिकाको अधिवेशन मिति फेरि सर्यो

काठमाडौं । नेपाली काँग्रेसका सभापति तथा प्रधानमन्त्री शेरबहादुर देउवा र अर्का नेता रामचन्द्र पौडेलबीच चर्काचर्की बहसपछि बैठक भाँडिएको छ।

सभापति देउवाले सिंहदरबारस्थित पार्टीको संसदीय दलको भवनमा बुधबार बोलाएको पार्टीका पदाधिकारी र पूर्वपदाधिकारीको बैठकमा सभापति देउवा र नेता पौडेलबीच चर्काचर्की भएपछि देउवाले बीचमै बैठक छाडेर हिँडेका हुन्।

३ बजेर ४५ मिनेटमा शुरु भएको बैठकमा नेता पौडेलले एनआरएन चुनाव, असोज ९ गते हुने पालिका अधिवेसन सार्नुपर्ने र पार्टीबाट मन्त्री बनाउँदा आफूखुसी निर्णय गरेको बिषयमा जवाफ मागेपछि सभापति देउवा झ्वाँक्किएका थिए।

पौडेलले प्रस्तावसहित जवाफ मागेपछि देउवा झाेंक्किदै बैठक सुरु भएको केही बेरमै उठेर हिँड्न लागेका थिए। तर केही नेताले उनलाई समाएर बसाएका थिए। त्यसपछि केही बेर बसेका देउवा पाँच दलीय गठबन्धनको बैठकमा जानुपर्ने भन्दै बैठकबाट निस्किएका थिए।

सभापति देउवा निस्किएपछि पनि अरू नेताहरू बसेर महाधिवेशनको सन्दर्भमा गाउँ र नगर अधिवेशनको मिति सार्ने निर्णय गरेका थिए। जसअनुसार आगामी असोज ९ गते हुने, गाउँ –नगर, असोज १२ गते हुने प्रदेशसभा निर्वाचन क्षेत्र र १५ गते हुने संघीय निर्वाचन क्षेत्रिय अधिवशेनको मिति केही सारेर दशैं अघि गर्ने र जिल्ला तथा प्रदेश अधिवेशन दशैं पछि गर्ने सहमति भएको छ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ आश्विन ६, १८: १५

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ आश्विन ६, १८: १५

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ आश्विन ६, १८: १५

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...