संघीय संसदको दुबै सदनबाट बजेट पारितः राष्ट्रपतिले प्रमाणीकरण गरेपछि लागू हुने – Naya Bikalpa
November 21, 2026, Saturday      Epaper

संघीय संसदको दुबै सदनबाट बजेट पारितः राष्ट्रपतिले प्रमाणीकरण गरेपछि लागू हुने


काठमाडौ । प्रधानमन्त्री शेरबहादुर देउवा नेतृत्वको सरकारले ल्याएको विनियोजन बिधेयक २०७८लाई प्रतिष्थापन गर्ने विधेयक आज संघीय संसदको दुवै सदनबाट बहुमतबाट पारित भएको छ।


पूर्ववर्ती केपी शर्मा ओली नेतृत्वको सरकारले गत जेठ १५ गते अध्यादेशमार्फत ल्याएको बजेट संशोधन गर्दै अर्थमन्त्री जनार्दन शर्माले बजेटको लागि प्रतिस्थापन विधेयक सदनमा पेश गरेका थिए। बजेटसँग सम्वन्धित राष्ट्र ऋण उठाउने विधेयक र आर्थिक विधेयकलाई आज बिहीबार बसेको राष्ट्रियसभा बैठकले पारित गरेको थियो।


राष्ट्रियसभाबाट सुझावबिना नै पारित भएर आएको विधेयकलाई प्रतिनिधिसभामा पेश गरिएको थियो। अध्यादेशबाट ल्याएको बजेटलाई संघीय संसदको अधिवेशन शुरु भएको दुई महिनाभित्र पारित गर्नु पर्नेमा सरकारले तयारी नगर्दा भदौ ३१ गतेदेखि सरकारले संघीय सञ्चित कोषबाट खर्च गर्न पाएको थिएन।


राष्ट्रिय सभाको बैठकले बजेटसँग सम्वन्धित विधेयकहरु पारित गरेपछि मात्र आज प्रतिनिधि सभाको बैठक बसेको थियो। दुवै सदनले बजेट पारित गरेकाले अब राष्ट्रपतिबाट प्रमाणीकरण हुनासाथ खर्च अवरोध हट्नेछ। प्रतिनिधिसभाको कारबाही चालु हुँदा अघिल्ला बैठकमा जस्तै प्रमुख प्रतिपक्षी दल नेकपा एमालेका सांसदहरु सदनको कारबाही अबरोध गर्न रोष्टम घेरेर नाराबाजी गरेका थिए।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ आश्विन ७, १५: ४९

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ आश्विन ७, १५: ४९

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ आश्विन ७, १५: ४९

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...