नारायणहिटीको श्रीपेज लगाएर ‘राजा बन्छु’ भन्दै सिसा फोडेपछि घर्ती गिरफ्तार – Naya Bikalpa
November 21, 2026, Saturday      Epaper

नारायणहिटीको श्रीपेज लगाएर ‘राजा बन्छु’ भन्दै सिसा फोडेपछि घर्ती गिरफ्तार


काठमाडौं। नारायणहिटी दरबार संग्रहालयमा तत्कालिन राजाहरुले प्रयोग गर्ने बहुमुल्य रत्नजडित श्रीपेच लगाएर ‘राजा बन्छु’ भन्दै सिसा फोड्न थाल्ने रुकुममा खेमबहादुर घर्तीलाई प्रहरीले नियन्त्रणमा लिएको छ।

रुकुम पश्चिम जिल्ला मुसीकोट नगरपालिका ११ का २५ वर्षिया घर्तीले श्रीपेच लगाउँछु भन्दै प्रदर्शनीमा राखिएको श्रीपेच चोर्न खोजेको संग्रहालय व्यवस्थापन समितिका कार्यकारी निर्देशक भेषनारायण दाहालले दाबी गरेका छन्।

श्रीपेच रहेको सिसा फुटाउनका लागि घर्तीले सो कोठामा रहेको अर्को सिसाको सोकेस फुटाएर खुकुरी निकाल्ने प्रयास गरेका थिए तर सुरक्षामा खटिएका सेनाले उनलाई नियन्त्रणमा लिएर प्रहरीको जिम्मा लगाएको छ।

श्रीपेच बुलेट प्रुफ सिसाभित्र रहेको छ। श्रीपेच राखिएको एकातर्फको भित्तामा रहेको सिसाको सोकेस घर्तीले फुटाएर खुकुरी झिकी श्रीपेच निकाल्ने प्रयास गरेको प्रहरीको दाबी छ।

टिकट काटेर संग्रहालय अवलोकनका लागि पुगेका घर्तीले सोकेस फुटाएर श्रीपेच निकाल्न खोजेपछि उनलाई नियन्त्रणमा लिइएको महानगरीय प्रहरी परिसर काठमाडौंका प्रमुख एसएसपी अशोक सिंहले बताए। घर्तीलाई प्रहरीले महानगरीय प्रहरी वृत्त दरबारमार्गमा राखी आवश्यक अनुसन्धान भइरहेको छ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ आश्विन ८, १६: १८

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ आश्विन ८, १६: १८

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ आश्विन ८, १६: १८

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...