
काठमाडौ । सरकारले राजनीतिक दल सम्वन्धी अध्यादेश सोमबार फिर्ता लिएसँगै अढाई महिना अघि गठन भएको शेरबहादुर देउवा नेतृत्वको सरकारमा सत्तारुढ नेपाल कम्युनिष्ट पार्टी (एकीकृत समाजबादी)का ६ जना मन्त्री हुने भएका छन्। नेकपा एसबाट सरकारमा नेतृत्व भने विरोध खतिवडाले गर्ने पक्कापक्की भएको छ।
संसदीय राजनीतिमा खारिएका र अनुभवी खतिवडालाई नेकपा एसको सचिवालय बैठकले कुनै पनि पदाधिकारी नदिएकोमा धेरैले आश्यचर्यको रुपमा लिएका थिए। मकवानपुरको क्षेत्र नम्वर २बाट संघीय संसदको निर्वाचनमा बिजयी खतिवडालाई अध्यक्ष माधवकुमार नेपालले धेरै विश्वास र भरोसा गरेर जिम्मेवारी दिएको स्रोतले बतायो।
स्रोतका अनुसार नेकपा समाजबादीबाट पाँच मन्त्री र एक जना राज्यमन्त्री हुन सक्ने सम्भावना छ। मन्त्रीपरिषद्मा जाने नेकपा एसका कुन सांसदले कुन मन्त्रालयले पाउने भन्ने विषय टुंगो लागेको छैन। नेता नेपालले प्रधानमन्त्री देउवालाई नेकपा एसबाट मन्त्री हुनेको नाम बुझाइ सकेका छन्।
अध्यक्ष नेपालले सांसदहरु खतिवडा, मेटमणि चौधरी, रामकुमारी झाँक्री, प्रेम आले, जीवनराम श्रेष्ठ र भवानी खापुङलाई मन्त्री बनाउन सिफारिस गरेका हुन्। चौधरी दाङबाट, आले डोटीबाट, श्रेष्ठ काठमाडौंबाट र खापुङ तेह्रथुमबाट प्रत्यक्ष निर्वाचित भएका सांसद हुन भने युवा नेतृ झाँक्री गुल्मीबाट समानुपातिक प्रतिनिधित्व गर्दै संघीय संसदको सदस्य भएकी हुन्।
त्यस्तै किसानकुमार श्रेष्ठलाई पनि ‘एडजस्ट’ गर्नुपर्ने भन्दै नेता नेपालले सात मन्त्री मागेको बुझिएको छ । एकीकृत समाजवादीलाई सात मन्त्री दिएपछि उपेन्द्र यादव नेतृत्वको जसपालाई पनि सातै मन्त्री दिनुपर्ने भएकाले प्रधानमन्त्री देउवाले तत्काल नेपाललाई सात मन्त्री दिन नसक्ने जवाफ दिएका छन् ।
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...