मोरङका १७ स्थानीय तहमा २ संस्थापन पक्षः १५ तहमा सिटौला र शेखर पक्षका विजयी – Naya Bikalpa
November 21, 2026, Saturday      Epaper

मोरङका १७ स्थानीय तहमा २ संस्थापन पक्षः १५ तहमा सिटौला र शेखर पक्षका विजयी


विराटनगर । नेपाली कांग्रेसको १४ औं महाधिवेशन अन्तर्गत मोरङका १७ स्थानीय तहमध्ये १५ स्थानीय तहको नेतृत्व संस्थापनइतर पक्षले पाएको छ। दुई स्थानीय हतको नेतृत्व भने देउवा पक्षले लिएको छ। १५ वटा स्थानीय तहको अधिवेशनबाट सभापतिमा पूर्वमहामन्त्री कृष्णप्रसाद सिटौला र नेता डा. शेखर कोइराला पक्षधरका नेता सभापतिमा बिजयी भएका छन्।


मुलुकको दोश्रो धेरै ६७ वटा निर्वाचन क्षेत्र रहेको मोरङको बिराटनगर महानगरपालिकाको सभापति शेखर, सभापति शेरबहादुर देउवा र सिटौला पक्षका उम्मेदवारबीच प्रतिष्पर्धा भएको थियो। जहाँ शेखर निकटका उम्मेदवार दिपक चापागाईं विजयी भएका छन्।

विराटनगर महानगरपालिकाको नगर सभापतिमा विजयी चापागार्इंले २१२ मतसहित निर्वाचित हुँदा देउवा पक्षका सन्तोष न्यौपानेले १६५ मत, संस्थापनइतरकै कृष्ण कार्कीले १३३ र सिटौला पक्षका अरुण न्यौपानेले १२७ मत पाएका थिए। पराजुली पछिल्लो समय शेखरलाई छाडेर कृष्ण सिटौलासँग नजिक भएका छन् ।

मोरङका चार स्थानीय तह उर्लाबारी नगरपालिकामा सुरेन्द्र लिम्बु, रतुवामाई नगरपालिकामा पोष्टबहादुर बस्नेत, केराबारी गाउँपालिकामा प्रकाश बस्नेत र जहदा गाउँपालिकामा महेन्द्रप्रसाद मण्डल सर्वसम्मत सभापतिमा निर्वाचित भएका छन् । ती मध्ये जहदाका सभापति मण्डल देउवा पक्षका हुन्।

कानेपोखरी सभापतिमा योगेन्द्र दाहाल ७३ मत ल्याएर विजयी हुँदा देउवा पक्षका उम्मेदवार दीपक चापागाईले ७१ मत प्राप्त गरे। बेलबारी नगर सभापतिमा छत्र लिम्बु १३६ मत ल्याएर विजयी भए भने उनका प्रतिष्पर्धी शम्भु भट्टराईले ९४ मत ल्याए।


लेटाङ नगरसभापतिमा दीपकचन्द्र राई ६० मतल्याएर विजयी भए। सभापतिका अर्का उम्मेदवार देवराज चाम्लिङले ५६ र कुबेर पौडेलले ४१ मत ल्याएका थिए। पथरीशनिश्चरे नगर अधिवेशनबाट मा रुपनारायण भट्टराई ८२ मत ल्याएर विजयी भए भने उनका प्रतिष्पर्धी लोकनाथ खरेलले ५८ मत ल्याए।


सुनबर्सी नगरपालिका सभापतिमा कमलकिशोर सिंह १०५ मत ल्याएर विजयी भए । प्रतिष्पर्धी महेश्वर राजवंशीले ८९ र बैजनाथ झाले ८ मतमा चित्त बुझाए। रंगेली नगरपालिकाको सभापतिमा जगरनाथ मण्डल १०६ मत ल्यार विजयी भए । उनका निकटतम प्रतिष्पर्धी जितनारायण खवासले १०४ मत ल्याए।


सुन्दरहरैचा नगरपालिका सभापतिमा भक्ति सिटौला १६९ मत ल्याएर विजयी भए। उनका प्रतिष्पर्धी महेन्द्र धिमालले ६७ मत मात्र ल्याए। कटहरी गाउँपालिका सभापतिमा गाउँपालिका प्रमुख समेत रहेका रामकुमार कामत निर्वाचित भएका छन्। कामतले ८४ ल्याए भने हरिनारायण माझीले ४४ मत ल्याए।


मिक्लाजुङ गाउँपालिकामा बबी राई १३४ मतसहित निर्वाचित भए भने अरुणविक्रम बस्नेतले २१ मत ल्याए। ग्रामथान गाउँपालिका सभापतिमा तुलसी विश्वास निर्वाचित भएका छन्। उनले ९३ मत प्राप्त गरे। सभापतिका उम्मेद्वार भूपनारायण माझीले ७२ र नमोनारायण माझीले १७ मत ल्याए।


बुढीगंगा गाउँपालिका सभापतिमा जीतनारायण थापा निर्वाचित भएका छन्। उनले ७६ मत प्राप्त ल्याउँदा उनका प्रतिष्पर्धी रेवतीनारायण चौधरीले ५४ मत प्राप्त गरे। धनपालथानमा सभापतिमा दीपकवीर पाण्डे ८३ मत ल्याएर विजयी भए उनका प्रतिष्पर्धी बासुदेव रायले ३७ मत ल्याए। निर्वाचन भएका १३ पालिकामध्ये धनपालथानमा विजयी पाण्डे मात्रै सभापति देउवा पक्षका हुन्।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ आश्विन १८, १३: ५८

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ आश्विन १८, १३: ५८

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ आश्विन १८, १३: ५८

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...