
नयाँ विकल्प,
काठमाडौं । कोरोना महामारी कोभिड–१९ संक्रमणको बेला अलपत्र परेका विदेशी पर्यटकहरुको खोज तथा उद्धारको उत्कृष्ट कार्य गरेको भन्दै नेपालले ‘बेस्ट रेस्पोन्स टु दि प्यानडेमिक’ गोल्ड अवार्ड पाएको छ ।
विश्व चर्चित वन्डरलस्ट म्यागेजिनले बेलायतको किन्सिङ्टन प्यालेस गार्डेनमा आयोजना गरेको कार्यक्रममा नेपालले ‘बेस्ट रेस्पोन्स टु दि प्यानडेमिक’ पुरस्कार पाएको हो ।
आयोजकले उक्त अवार्ड संस्कृति, पर्यटन तथा नागरिक उड्डयनमन्त्री प्रेम बहादुर आलेलाई हस्तान्तरण गरेको थियो । यो अवार्डका लागि नोमिनेशन भएका नौवटा मुलुकहरूलाई उछिन्दै नेपालले यो अवार्ड पाएको हो ।
पर्यटनमन्त्री प्रेमबहादुर आले, पर्यटन सचिव यादवप्रसाद कोइराला, बोर्डका कार्यकारी प्रमुख डा.नञ्जय रेग्मी र ६ वटा नेपाली पर्यटन व्यवसायी कम्पनीहरु सन् २०२१ नोभेम्बर १ देखि ३ सम्म लण्डनमा आयोजित वर्ल्ड ट्राभल मार्ट डब्लूटिएममा सहभागी रहेको छ ।
नेपाल पर्यटन बोर्डले जिल्ला प्रशासन कार्यालय, पर्यटक प्रहरी, स्थानीय तह तथा पर्यटनसँग सम्बन्धित संघ–संस्थाहरुको समन्वयमा नेपालका विभिन्न ३३ वटा गन्तव्यमा अलपत्र परेका १ हजार ७२१ जना विदेशी पर्यटकलाई उद्धार गरेको थियो ।
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...
धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...