कुर्था–जनकपुर–जयनगर रेल सेवा आजदेखि दैनिक २ पटक ओहोर दोहोर गर्ने – Naya Bikalpa
November 20, 2026, Friday      Epaper

कुर्था–जनकपुर–जयनगर रेल सेवा आजदेखि दैनिक २ पटक ओहोर दोहोर गर्ने

जनकपुरधाम । दैनिक एक पटक मात्र ओहोर–दोहोर गर्दै आएको जयनगर– जनकपुर–कुर्ता रेल सेवा आजदेखि दुई पटक आहोर–दोहोर गर्ने भएको छ।

नयाँ वर्ष २०८० सँगै नेपाल रेल्वे कम्पनीले सेवा विस्तार गर्दै आजदेखि रेल सेवा कुर्थाबाट शुरु भई जनकपुरबाट जयनगर दुई पटक पुगेर फर्कने भएको छ।

यसअघि राति जयनगरबाट सेवा दिन शुरु गरेको रेल सेवा एक पटक कुर्था पुगेर फर्कने गरेको थियो। आजदेखि भने रेलसेवा कुर्थाबाट जनकपुरहुँदै जयनगर २ पटक पुगेर फर्कने भएको छ।

कम्पनीका महाप्रबन्धक निरञ्जन झाका अनुसार अब धनुषाको कुर्थाबाट रेल बिहान ७ बजेर १५ मिनेटमा र दिउँसो २ बजेर ४५ मिनेटमा भारतको जयनगरका लागि प्रस्थान गर्ने छ।

त्यस्तै, जयनगरबाट भने रेल जनकपुरधामहुँदै कुर्थाका लागि बिहान ९ बजेर ३० मिनेट र बेलुकी ५ बजे प्रस्थान गर्ने समय तालिका रेल विभागले मिलाएको छ।

एकवर्ष अघि सञ्चालनमा आएको ब्रोडगेज रेल बिहान १० बजे जनकपुरबाट छुट्ने र साढे ११ बजे जयनगर पुग्ने गरेको थियो भने त्यहाँबाट जनकपुरधामका लागि दिउँसो ३ बजे प्रस्थान गर्ने गरेको थियो।

रेल सेवा सञ्चालन भए पनि मासिक करिव दुई करोड रुपैयाँ घाटा खाई रहेको रेल विभागले दुई पटक रेलले ओहोर–दोहोर गरेमा सञ्चालन खर्च धान्न सक्ने आंकलन गरिएको छ।

सम्बन्धित समाचार

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०८० बैशाख १, १६: ४९

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०८० बैशाख १, १६: ४९

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०८० बैशाख १, १६: ४९

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...