नेपालका शुभचिन्तक राष्ट्रवादी कांग्रेसका नेता त्रिपाठीको निधन – Naya Bikalpa
November 20, 2026, Friday      Epaper

नेपालका शुभचिन्तक राष्ट्रवादी कांग्रेसका नेता त्रिपाठीको निधन

काठमाडौं । भारतीय राष्ट्रवादी कांग्रेस पार्टीका महासचिव तथा राज्यसभाका पूर्वसांसद डीपी (देवीप्रसाद) त्रिपाठीको यसै साता ६७ वर्षको उमेरमा निधन भएको छ । भारतीय राजनीतिका समाजवादी चिन्तक एवम् प्रखर वुद्धिजीवी त्रिपाठी नेपालको एउटा सच्चा समर्थक र नेपालको लोकतान्त्रिक आन्दोलनमा निरन्तर सहयोग र समर्थन गर्ने नेता थिए ।

२०४६ सालको जनआन्दोलनमा भारतका विविध विचारमा आवद्ध राजनीतिक दलका नेताहरुको नैतिक समर्थन जुटाउन पहल गर्ने, नेपालको शान्ति प्रकृया र २०६२÷६३ को जनआन्दोलनमा नैतिक सहयोग र समर्थन त्रिपाठीले गरेका थिए ।

नेपाल, नेपाली जनता र नेपाली लोकतन्त्रका सच्चा समर्थक र सहयोगी स्वर्गीय त्रिपाठीको निधनले नेपालले एक सच्चा समर्थक गुमाएको भन्दै नेपाली कांग्रेसले गहिरो दुख व्यक्त गरेको छ । कांग्रेसको पुस १७ गते बसेको बैठकले पार्टीका घनिष्ट मित्र गुमाएको भन्दै त्रिपाठीको परिवारजन र राष्ट्रवादी कांग्रेस पार्टीप्रति समवेदना प्रकट गरेको छ ।

२०४६ साल माघ ५ देखि ७ गतेसम्म लौहपुरुष गणेशमान सिंहको निवासस्थान चाक्सिवारीमा तत्कालिन नेपाली कांग्रेसले आयोजना गरेको राष्ट्रिय भेलामा त्रिपाठीसहित कम्युनिष्ट नेताहरु सुब्रमण्ड्यम, जनता दलका नेता तथा पूर्वप्रधानमन्त्री चन्द्रशेखर र त्रिपाठी सहभागी भएर अन्तराष्ट्रिय समर्थन दिएका थिए ।

त्रिपाठीले गरेको योगदानलाई नेपाल र नेपालको लोकतान्त्रिक आन्दोलनका पक्षधरले सँधै सम्झने गरेका छन् । उनी भारत सरकारले नेपालमाथि नाकाबन्दी लगाउँदा समेत त्यसको विरोधमा लागेका थिए । त्रिपाठी नेपाली कांग्रेसका नेता प्रदीप गिरीका नजिकका मित्र पनि हुन् ।

जीवनको पूर्वाद्र्धमा भारतीय कम्युनिष्ट पार्टीमा आवद्ध भएका त्रिपाठी कालान्तरमा भारतीय कांग्रेस पार्टीमा सामेल भएका थिए । निकै तिक्ष्ण र विलक्षण प्रतिभा भएका त्रिपाठीको क्षमता देखेर नै भारतका तत्कालिन प्रधानमन्त्री राजिव गान्धीले त्रिपाठीलाई सचिवालयमा राखेका थिए ।

कांग्रेस आईका प्रभावशाली नेता त्रिपाठी राजिव गान्धिको निधनसँगै अंगिकृत नागरिकता लिएकी सोनिया गान्धिलाई कांग्रेस आईको अध्यक्ष बनाएपछि असन्तुष्ट भएर राष्ट्रवादी भारतीय कांग्रेस गठन गरेका थिए । उनीसँगै शरद पावरले पनि भारती कांग्रेस पार्टी छोडेका थिए ।

सम्बन्धित समाचार

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७६ पुष २१, ०७: १८

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...

हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
  • २०७६ पुष २१, ०७: १८

काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७६ पुष २१, ०७: १८

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...