निर्वतमान सञ्चारमन्त्रीको सचिवालयमा लेखिएको नारा अब के होला ! – Naya Bikalpa
November 20, 2026, Friday      Epaper

निर्वतमान सञ्चारमन्त्रीको सचिवालयमा लेखिएको नारा अब के होला !

“म भ्रष्टाचार गर्दिन ।


म भ्रष्टाचार हुन दिन्न ।


म देश र जनताको लागि इमान्दार भएर काम गर्ने प्रतिज्ञा गर्छु ।”

माथि लेखिएको नारा निवर्तमान सञ्चारमन्त्री गाकुल प्रसाद बाँस्कोटाको सचिवालयमा लेखिएको यो नारासँगै राष्ट्रियसभामा दुई दिन अगाडि बोल्दा पनि भ्रष्टाचार हुन दिन्न । भ्रष्टाचार गर्नेलाई छोडिन्न, भनेर भाषण दिएका मन्त्री गोकुल प्रसाद बाँस्कोटाको भनाई यतिबेला सामाजिक सञ्जालमा भाइरल भइरहेको छ । जब सेक्युरिटी प्रेस खरिद गर्दा आउने कमिसनको बारेमा अडियो टेप बाहिर आएको अठार घण्टा पनि नबित्दै राजीनामा दिन बाध्य भए मन्त्री बाँस्कोटा ।

छोटै समयमा छिटै चर्चामा आएका निवर्तमान मन्त्री गोकुल बाँस्कोटाका बारेमा जनमानसमा समेत निकै ठुलो आत्रोस पैदा भइरहेको छ । यतिबेला निवर्तमान गोकुल बाँस्कोटालाई सडक–सडकबाट जनताले नियालिरहेका छन् । माथि लेखिएका शब्दले साच्चैनै सार्थकता पाएको भए यो देशमा एउटा पत्रकारिता क्षेत्रबाट गएका व्यक्तिको राजनीतिक भविष्य उज्वल नै रहन सक्थ्यो । तथापि सञ्चार क्षेत्रका व्यक्ति सूचना तथा सञ्चारमन्त्री पाइरहँदा पनि आमसञ्चार क्षेत्रका मान्छेहरु खुशी हुन सकेनन् ।

सञ्चार क्षेत्रलाई निकै अपमानित र तुच्छ शब्दले गाली गलौजमै अधिकांश समय बिताउँदै आएका बाँस्कोटा यतिखेर सञ्चार क्षेत्रबाटै आएको एउटा अडियो रेकर्डबाट नै पदमुक्त हुनु पुगेका छन् । सञ्चार सम्बन्धी ऐन, कानुन निर्माण गर्नेदेखि सरकारले गरेका कामकारवाहीलाई सञ्चार जगतले समर्थन नगरेको भन्दै सँधै तुच्छ वचन राख्दै आएका बाँस्कोटालाई सोही अडियोले मन्त्री पदसमेत खुस्काइदियो भने राजनीतिक भविष्य समेत अन्धकार बनाइदिएको छ ।

वर्तमान सरकारले सुशासन र भ्रष्टाचार निवारण गर्छु भनेर भट्याइरहँदा निवर्तमान मन्त्री गोकुल बाँस्कोटाको अडियो रेकर्ड र निजको पदमुक्तबाट छर्लग भएको छ ।

सम्बन्धित समाचार

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७६ फाल्गुन ११, १२: ०३

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...

हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
  • २०७६ फाल्गुन ११, १२: ०३

काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७६ फाल्गुन ११, १२: ०३

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...