रामचन्द्रलाई चुनौति दिँदै जोशी – Naya Bikalpa
November 20, 2026, Friday      Epaper

रामचन्द्रलाई चुनौति दिँदै जोशी

काठमाडौं । नेपाली कांग्रेसका नेता रामचन्द्र पौडेलको गृह जिल्ला तनहुँमा असन्तुष्ट नेता तथा पार्टीका पूर्वसहमहामन्त्री गोविन्द्रराज जोशीले चुनौति दिएका छन् ।

एक साता अघि पार्टीको केन्द्रीय अनुशासन समितिले जोशीलाई कारबाही गर्नको लागि दोश्रो पटक पत्राचार गरेपछि जोशी निकटका जिल्ला नेताहरुको भएको भेलाले पार्टीभित्रको असमझदारीको समाधान नगरि क्रियाशिल सदस्यता नविकरण र वितरण सुरु भएको भन्दै पार्टी नेतृत्वको ध्यानाकर्षण गराएका छन् ।

नेपाली काँगे्रस तनहुँका केही  महासमिति सदस्यहरु, महाधिवेशन प्रतिनिधिहरु, क्षेत्रीय प्रतिनिधिहरु र वडा सभापतिहरुको दमौलीमा बुधबार भएको विशेष भेलाले अहिले तनहुँमा नेपाली काँगे्रस पार्टी गम्भिर रुपमा समस्याग्रस्त भएको र पार्टीभित्र भएको असमझदारी र असहमतिको समाधान नगरि क्रियाशिल सदस्यता नविकरण र नयाँ वितरण गर्ने कार्य सुरु हुन लागेकोमा आफूहरुको ध्यान आकर्षण भएको बताएका छन् ।  

तनहुँमा महासमिति सदस्य, शहीद पत्नी बालकुमारी लोहनी, र माओवादी द्धन्दकालमा अपांग बनाइएका चिक्त बहादुर थापा, लगायतका धेरै नेपाली काँगे्रसका नेताहरुमा विभाजन ल्याई वितरण गर्न लागिएको नेपाली काँग्रेसको क्रियाशिल सदस्यता वितरण कार्यक्रम षडयन्त्रपूर्ण हो भन्ने उनीहरुले ठहर गरेका छन् ।

त्यसैले तनहुँ जिल्लाका सबै वडा  सदस्यहरुलाई तनहुँ जिल्लाको समस्या, राजनीतिक समस्या भएको र, राजनीतिक समस्याको समाधान राजनीतिक किसिमबाट गर्न सम्बन्धित निकायको ध्यानआकृष्ट गदै सो नहुँदासम्म सदस्य नविकरण र वितरण कार्यक्रम स्थगन गर्नका लागि अनुरोध गर्ने निर्णय गरेका हुन् ।

तनहुँ काँगे्रसका पुराना नेता डिल्लीराम अधिकारीको सभापतित्वमा भएको विशेष भेलामा जिल्लाका वरिष्ठ नेता एवं कार्यकर्ताहरुको बाक्लो उपस्थिति रहेको बुझिएको छ । अधिकारी जोशी नेतृत्वको पार्टीको जिल्लाको समानान्तर समितिको सभापति भएक व्यक्ति हुन् ।

सम्बन्धित समाचार

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७६ चैत्र १०, ०८: १७

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...

हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
  • २०७६ चैत्र १०, ०८: १७

काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७६ चैत्र १०, ०८: १७

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...