थप ३ मा कोरोना संक्रमण – Naya Bikalpa
November 20, 2026, Friday      Epaper

थप ३ मा कोरोना संक्रमण

काठमाडौं- वीरगञ्जमा तीन जना भारतीय नागरिकलाई कोरोना भाइरसको संक्रमण देखिएको छ ।
स्वास्थ्य तथा जनसंख्या मन्त्रालयका प्रवक्ता डा. विकास देवकोटाले सो कुराको पुष्टि गरेका हुन् ।

प्रवक्ता डा. देवकोटाका अनुसार उनीहरु केही दिनअघि भारतबाट नेपाल आएका थिए । उनीहरु वीरगञ्ज–२ छपकैया स्थित जामे मस्जिदमा बस्दै आएका थिए । कोरोनाको आशंकामा उनीहरु सहित २४ जनाको नमुना परीक्षण गरिएको थियो जस मध्ये ३ जनामा कोरोना पोजेटिभ देखिएको हो । कोरोना संक्रमण पुष्टि भएपछि उनीहरुलाई वीरगञ्जस्थित नारायणी अस्पतालको आइसोलेसनमा राखेर उपचार भइरहेको छ ।

उनीहरुको नमूना परीक्षणका लागि सुरुमा हेटौंडास्थित किटजन्य रोग अनुसन्धान तालिम केन्द्रमा रहेको प्रयोगशालामा पठाइएको थियो । उक्त प्रयोगशालामा रिपोर्ट पोजेटिभ देखिएपछि थप स्पष्टका लागि टेकुस्थित राष्ट्रिय जनस्वास्थ्य प्रयोगशालामा पठाइएको थियो । जनस्वास्थ्य प्रयोगशालामा पनि उनीहरुको रिपोर्ट पोजेटिभ आएको मन्त्रालयले जनाएको छ ।

यो संख्या संगै नेपालमा कोरोना संक्रमितको संख्या १२ पुगेको छ । जसमध्ये एक जना निको भइसकेका छन् ।

सम्बन्धित समाचार

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७६ चैत्र ३०, १०: ११

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...

हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
  • २०७६ चैत्र ३०, १०: ११

काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७६ चैत्र ३०, १०: ११

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...