समाजबादी पार्टीबाट आठ सांसदको अलग हुने निर्णय

नयाँ विकल्प
प्रकाशित मिती: २०७७ बैशाख ११, ०५: २४

काठमाडौं । उपेन्द्र यादव र डा. बाबुराम भट्टराई नेतृत्वको समाजवादी पार्टीकी उपाध्यक्ष रेणु यादवको नेतृत्वमा आठ जना सांसद अलग हुने भएका छन् । उपाध्यक्ष रेणु यादव अध्यक्ष उपेन्द्र यादवसँग पहिलेदेखि नै असन्तुष्ट थिइन् । यसरी अलग पार्टी गठनको निष्कर्षमा पुग्नेहरुमा पूर्व शहरी विकास मन्त्री इस्तियाक राई, विमलकुमार श्रीवास्तव, प्रदीप यादव, उमाशंकर अडगरिया, रेणुका गुरुङ, कलुदेवी विश्वकर्मा र डा.सुरेन्द्र यादव छन् ।

सुरेन्द्र यादवलाई प्रहरीले बुधबार राति नै नियन्त्रणमा लिएर काठमाडौं ल्याएको थियो । रोही नाज नामकी सांसद कहिले रेणु तिर त कहिले उपेन्द्र यादव तिर लाग्दै आएकी छन् ।
प्रधानमन्त्री केपी शर्मा ओलीले मंगलबार राति राजनीतिक दलसम्वन्धी अध्यादेश ल्याएका थिए । सो अध्यादेश पार्टीको सचिवाल बैठकमा समेत छलफल नगरी ल्याएको भन्दै सर्बत्र बिरोध र आलोचना भएको थियो । प्रधानमन्त्री ओलीले नेकपालाई विभाजित गर्ने उदेश्यले अध्यादेश ल्याउन खोजेको भन्दै पार्टी भित्रैबाट आलोचना भइरहँदा ओलीले नेकपालाई लक्षित गरी अध्यादेश नल्याएको बताएका थिए ।

यता समाजवादी र राजपाले पार्टी एकताको घोषणा गरेपनि त्यसको औपचारिक निर्णय निर्वाचन आयोगमा दर्ता गर्नु अघि नै समाजबादी पार्टी नेपालको संसदीय दल विभाजनको जानकारी सभामुख अग्नीप्रसाद सापकोटाले औपचारिक रुपमा लिएका छन् ।

सम्बन्धित समाचार

शुक्रबारदेखि भारी वर्षाको सम्भावना, सतर्क रहन प्रधानमन्त्री शाहको आग्रह

२०७७ बैशाख ११, ०५: २४

काठमाडौं : प्रधानमन्त्री वालेन्द्र शाहले शुक्रबारदेखि आइतबारसम्म देशका विभिन्न भागमा भारीदेखि अति भारी वर्षाको सम्भावना रहेको भन्दै बाढी, पहिरो, डुबान...