काबुलमा आत्मघाती हमला हुँदा ४१ को मृत्यु

नयाँ विकल्प
प्रकाशित मिती: २०७४ पुष १७, ०९: ४६

अफगानिस्तानको राजधानी काबुलमा भएको आत्मघाती हमलामा ४१ जनाको मृत्यु भएको छ । धार्मिक समूह शियाको साँस्कृतिक केन्द्रमा भएको हमलामा अन्य ८० जनाभन्दा बढी घाइते भएका जनाएको छ । घाइतेमा महिला तथा बालबालिका समेत रहेका बताइएको छ । हालसम्म घटनाको जिम्मा कसैले लिएको छैन । यद्यपी तालिबान समूहले गरेका आशंका भए पनि उसले यसमा आफ्नो कुनै हात नरहेको बताएको छ ।
केही समययता अफगानिस्तानमा शिया समुदायसँग जोडिएका स्थानमा यस्ता हमला हुँदै आएका छन् । तर यस पटकको हमलामा भने आफूहरुको हात नभएको बताएको छ । अफगानिस्तान गृह मन्त्रालयका प्रवक्ता नसरत रहीमीले हमला भएको जानकारी दिएका हुन्। हमला तबायन साँस्कृतिक भवनमा भए पनि सँगैको मिडिया अफगान भ्वाइस पनि लक्षित गरिएको बताइएको छ । भवनमा केही विद्यार्थी कार्यक्रम गरिरहेका थिए । त्यहाँ उपस्थित दुई विद्यार्थीको मृत्यु भएको र दुई जना घाइते भएका अफगान भ्वाइसका पत्रकार सायद अब्बास हुसेनीले जानकारी दिएका छन् । सबै घाइतेको स्थानीय अस्पतालमा उपचार भइरहेको बताइएको छ ।

सम्बन्धित समाचार

विश्व बजारमा कच्चा तेलको मूल्य उच्चविन्दुमा

२०७४ पुष १७, ०९: ४६

काठमाडौँ। मध्यपूर्वमा बढ्दो तनावका बीच कच्चा तेलको मूल्य तीव्र रूपमा बढ्दै प्रति ब्यारेल १२६ डलर नाघेको छ, जुन पछिल्ला चार...

आणविक सम्झौता स्वीकार गर्न इरानलाई ट्रम्पको चेतावनी

२०७४ पुष १७, ०९: ४६

काठमाडौँ। अमेरिकी राष्ट्रपति डोनाल्ड ट्रम्पले इरानलाई चाँडै चतुरता देखाउन ९स्मार्ट हुन० र आणविक कार्यक्रमहरूमा कडा नियन्त्रणको माग पूरा गर्न चेतावनी दिएका...