शिक्षण अस्पताल महाराजगंजका ३८ चिकित्सक र नर्स क्वारेन्टाईनमा – Naya Bikalpa
November 20, 2026, Friday      Epaper

शिक्षण अस्पताल महाराजगंजका ३८ चिकित्सक र नर्स क्वारेन्टाईनमा

काठमाडौं । शिक्षण अस्पताल महाराजगंजमा कार्यरत ३८ चिकित्सक, नर्स र अन्य स्वास्थ्यकर्मीलाई क्वारेन्टाइनमा राखिएको छ ।

अस्पतालको नाक कान घाँटी (इएनटी) विभागमा उपचाररत काठमाडौंको दहचोककी ६ वर्षीया बालिकामा कोरोना भाइरस (कोभिड १९) संक्रमण पुष्टि भएपछि सो विभागको बालिकाको उपचारमा संलग्न चिकित्सक, नर्सलगायत ३८ जनालाई क्वारेन्टाइनमा राखिएको अस्पतालले जनाएको छ ।

इएनटीको न्यूरो वार्डमा रहेका ५ जना बिरामीलाई नै गणेशमानसिंह भवनमा बनाइएको आइसोलेसन वार्डमा सारिएको अस्पतालले जनाएको छ । उपचारमा संलग्न चिकित्सक, नर्स र दहचोकबाट काठमाडौं ल्याउने आफन्तलाई पनि क्वारेन्टाइनमा राखिएको अस्पतालले जनाएको छ ।

बिहीबार बिहान स्वास्थ्य तथा जनसंख्या मन्त्रालयले ६ वर्षीया बालिकासहित काठमाडौंको चन्द्रगिरी नगरपालिकाका ३२ वर्षीय पुरुषमा पनि कोरोना संक्रमण देखिएको जानकारी दिएको थियो ।

भरतपुर अस्पताल कोभिड प्रयोगशाला भरतपुरमा गरिएको परिक्षण अनुसार नवलपरासी (वर्दघाट सूस्ता पूर्व) जिल्लाको देबचुली नगरपालिका १२ निवासी ४९ वर्षका पुरुषमा पनि कोरोनाको संक्रमण देखिएको मन्त्रालयले जनाएको छ । विहीबार नै जनकपुरकी १७ वर्षीय किशोरी र धादिङकी ३० वर्षीय महिलामा कोरोना संक्रमण भएको पुष्टि भएको छ ।

काठमाडौंमा दहचोकका वालकसँगै मंगलबार मातातीर्थकी एक महिलामा कोरोना संक्रमण पुष्टी भएसँगै काठमाडौं जिल्लामा संक्रमितको सख्या तीन पुगेको छ । यो सँगै संक्रमितको सख्या दुई सय ४९ पुगेको छ । यसअघि मन्त्रालयले संक्रमितको सख्या दुई सय ४५ नै रहेको जनाएको थियो ।

मन्त्रालयले बुधबार राति जारी गरेको विज्ञप्तीमा कोरोना संक्रमितको सख्या २ सय ५० पुगेको जनाएको थियो । पछिल्लो अद्यावधिक विवरणअनुसार संक्रमितको सख्या २ सय ५० भएकोमा प्राविधिक कारणले पहिले नै पुष्टी भएका ५ जनाको विवरण पुनः रिपोर्टिङ भएकोले सच्याइएको मन्त्रालयका सहप्रवक्ता डा. समिरकुमार अधिकारीले जनाएका थिए ।

सम्बन्धित समाचार

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७७ जेष्ठ १, २३: १६

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...

हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
  • २०७७ जेष्ठ १, २३: १६

काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७७ जेष्ठ १, २३: १६

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...