जनताको बीचमा गएर काम गर्ने नीति बन्नुपर्छः सहमहामन्त्री डिना – Naya Bikalpa
November 20, 2026, Friday      Epaper

जनताको बीचमा गएर काम गर्ने नीति बन्नुपर्छः सहमहामन्त्री डिना

 

काठमाडौं । नेपाली कांग्रेसका सहमहामन्त्री महालक्ष्मी उपाध्याय डिनाले पार्टीले जनताको बीचमा गएर काम गर्ने नीति बनाउनुपर्ने बताएकी छन् ।

सोमबार सुरु महासमिति बैठकमा उनले संविधान कार्यान्वयनको जिम्मेवारी र अभिभारा कांग्रेसको भएको बताइन् ।

कांग्रेसको नीति उत्कृष्ट बनाउने र त्यसले मुलुकको पुनः परिवर्तन र जनताको विकास गर्छ भन्ने अठोट नीति महाधिवेशनको हुनुपर्ने धारणा उनले व्यक्त गरिन् ।

“हाम्रो गौरवशाली इतिहासलाई स्मरण गर्दै हामीले ल्याएको परिवर्तनलाई कार्यान्वयन गर्ने जिम्मेवारीको बाटोमा पार्टी छ । हामीले प्रस्ताव पनि यहाँ ल्याएको अवस्था छ । यसलाई गहन जिम्मेवारी र दायित्वका साथ पास गर्नुपर्छ,” उनले भनिन् ।

उनले मुलुकलाई अब कता लैजाने भन्ने अभिभारा पनि नीति महाधिवेशनको भएको स्वागत मन्तव्यका क्रममा बताइन् ।

“जनताको विश्वास कांग्रेसमा छ । जनताले भनेका छन्– संविधानमा दिएका अधिकार कांग्रेसले कार्यान्वयन गराउनेछ,” उनले भनिन्, “जनताले भनेका छन्– कांग्रेसले मुलुकको अगुवाइ गर्नुपर्छ । जनताको जीवन पद्धतिको विकासलाई नेपाली कांग्रेसले हेर्नुपर्छ ।”

पार्टीमा न्याय नपाएको आवाज बढेको उनले उल्लेख गरिन् । उनले पार्टीमा न्याय पाउने वातावरण बनाउन महासमिति बैठक नीति अवलम्बन गर्न सफल हुने विश्वास व्यक्त गरिन् ।

“यो मेरो पनि आवाज हो । हाम्रो अपनत्वमा बनेको संविधानको रक्षा जनआन्दोलनको मर्म र भावनलाई बोकेर अघि बढ्नुपर्छ । अन्याय भयो भन्नेलाई अभिलेखीकरण गर्र्दै सबैलाई न्याय दिने वातावरणमा सबै जुटौँ,” उनले भनिन् ।

सम्बन्धित समाचार

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०८० फाल्गुन ७, १७: २३

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...

विधानको पालना सबैका लागि समान हुनुपर्छ, समय र स्वार्थ  अनुसार हुनु हदैन ।
विधानको पालना सबैका लागि समान हुनुपर्छ, समय र स्वार्थ अनुसार हुनु हदैन ।
  • २०८० फाल्गुन ७, १७: २३

गैरआवासीय नेपाली संघ अन्तर्राष्ट्रिय समन्वय परिषद्का महासचिवबाट जारी गरिएको राजनीतिक आबद्धता त्यागसम्बन्धी परिपत्र हेर्दा केही गम्भीर प्रश्नहरू उठेका छन् ।...

हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
  • २०८० फाल्गुन ७, १७: २३

काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...