
कठमाडौं । नेपालको संविधान (दोस्रो संंशोधन) विधेयक, २०७७ लाई विचार गरियोस भन्ने प्रस्तावलाई प्रतिनिधिसभाको मंगलबारको बैठकले सर्वसम्मतिले स्वीकृत गरेको छ ।
सत्तारुढ नेकपा र प्रमुख प्रतिपक्षी दल नेपाली कांग्रेस तथा अन्य विपक्षी सांसदहरुले संविधान संशोधनको दोस्रो प्रस्तावमाथि सैद्धान्तिक छलफल पछि सर्वसम्मतले स्विकृत भएको हो । सभामुख अग्निप्रसाद सापकोटाले सो प्रस्ताव स्वीकृतिका लागि पेश गर्दा विपक्षमा कुनै पनि सांसदले विरोध जनाएनन र ध्वनी मतकै आधारमा स्वीकृत भएको थियो ।
सरकारले कालापानी, लिम्पीयाधुरा र लिपुलेकलाई समेटेर सार्वजनिक गरेको वास्तविक नक्सा संविधानको अनुसुचिमा रहेको निसानछापमा समावेस गर्नको लागि संविधान संशोधनको प्रस्ताव पेश भएको थियो । प्रस्ताव स्वीकृतिसँगै विधेयकमा संशोधन हाल्न सांसदहरुलाई ७२ घण्टाको समय दिइएको छ ।
सो विधेयक कानून, न्याय तथा संसदीय मामिला मन्त्री डा. शिवमाया तुम्बाहाङ्फेले प्रस्ताव गरेकी थिइन् ।
मन्त्री तुम्बाहाङ्फेले सत्तापक्ष र प्रतिपक्षी दलले एकै स्वरले संशोधनप्रति समर्थन गरेकामा खुशी व्यक्त गर्दै संविधान संशोधनसँग जोडिएका अन्य विषयवस्तुमा आगामी दिनमा छलफल गरिने बताइन् । उनले सरकारले जारी गरेको नयाँ नक्सालाई संविधानले चिह्नका लागि संशोधन ल्याइएको र सबै दल र सांसद एक ठाउँमा उभिएको पाउँदा सबै नेपाली प्रसन्न भएको उल्लेख गरिन् । उनले भनिन्, ‘हामी हाम्रो भूमि फिर्ता लिएर भोगचलन गरेरै छाड्छौँ ।’
काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...
काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...
काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...