- अनामनगर काठमाडौँ
- infobikalpa21@gmail.com
काठमाडौं। प्रधानमन्त्री पुष्पकमल दाहाल प्रचण्ड, एमाले अध्यक्ष केपी शर्मा ओलीको संरक्षण र उक्साहटमा परेर सहकारी ठगीको आरोपमा आफूबिरुद्ध प्रतिवेदनहरु सार्वजनिक भए पनि गृहमन्त्री रबी लामिछानेले भने राजिनामा त के छानबिन समिति पनि बनाउन नहुने पक्षमा उभिएका छन् । राष्ट्रपति रामचन्द्र पौडेलका आर्थिक सल्लाहकार डा. चिरञ्जीवी नेपाल एक सय रुपैयाँको नोटमा नयाँ नक्सा छाप्ने मन्त्रिपरिषदको निर्णयको टिप्पणी गरेको विषय विवादमा परेपछि आइतबार नैतिकताको आधारमा पदबाट राजीनामा दिएका छन् । तर यो देशका गृहमन्त्री लामिछानेले पोखराको सूर्यदर्शन र बुटवलको सुप्रिम सहकारीको रकम अपचलन गरेको प्रतिवेदन छानबिन समितिले सार्वजनिक गर्दा पनि राजिनामा दिएका छैनन् । अरुलाई नैतिकताको पाठ सिकाउने लामिछानेले राजिनामा दिने त परको कुरा उनीमाथि संसदीय छानबिन समिति पनि गठन गर्न नहुने र संसदमा उनले बोलेपछि प्रतिपक्षी कांग्रेसले बोल्न नपाउने हठ समेत प्रस्तुत गरेका छन् ।
यसअघि अर्थमन्त्री भएका भरतमोहन अधिकार (स्वर्गीय), डा. रामशरण महत, विष्णु पौडेल, जनार्दन शर्मामाथि करका दरहरु थपघट भएका सूचना चुहाएको, विदेशी मुद्राको स्रोत नखुलेको, स्वार्थ समूहको चाहनामा करका दर निर्धारण गरेको, बजेट निर्माणमा अबैध व्यक्तिवको संलग्नता रहेको जस्ता आरोपहरु लागेपछि संसदीय छानबिन समित गठन भएका थिए । ती सबै समितिले छानबिन गरेर उनीहरुलाई निर्दोष साबित गरे पनि छानबिन अवधिभर उनीहरुले पदबाट राजिनामा दिएका थिए । तत्कालिन सूचना तथा संचारमन्त्री गोकुल वाँस्कोटाले ७० करोड रुपैयाँको कमिसनको डिल गरेको अडियो सार्वजनिक हुँदा, तत्कालिन कानूनमन्त्री शेरबहादुर तामाङले एमबिबिएस अध्ययन गर्न वंगलादेश पढ्न जाने नेपाली महिलाको विषयमा विवादस्पद अभिव्यक्ति दिँदा, रास्वपाका सांसद ढाकाप्रसाद श्रेष्ठले मेडिकल व्यवसायी दुर्गा प्रसाइँसँग २ करोड सहयोग माग गरेको अडियो सार्वजनिक हुँदा पदबाट राजिनामा दिएका थिए । तर यो मुलुकका जब्बर गृहमन्त्री रबी लामिछानेबिरुद्ध दुई दुई वटा सहकारी ठगीमा संलग्न भएको प्रतिवेदनहरु सार्वजनिक हुँदा राजिनामा त के छानबिन पनि गर्न राज्यका सारा निकाय अबरोध गरिरहेका छन् । नयाँ विकल्प साप्ताहिकबाट
काठमाडौं : सूर्य उपासना तथा आराधनाको पर्व छठ आज देशभर श्रद्धा, भक्ति र उत्साहका साथ मनाइएको छ । छठ पर्वको...
काठमाडौं : नेपाल प्रिमियर लिग (एनपिएल) अन्तर्गत आइतबारको पहिलो खेलमा कर्णाली याक्स विजयी भएको छ । जारी सिजनको आफ्नो अन्तिम...
काठमाडौं । संयुक्त राष्ट्रसंघीय जलवायु परिवर्तनसम्बन्धी महासन्धिका पक्ष राष्ट्रहरूको ३१औँ सम्मेलन (कोप–३१) मा सहभागी भएर अर्थमन्त्री डा. स्वर्णिम वाग्ले आज...
