आषाढ पूर्णिमाको अवसरमा बुद्धका उपदेशको महिमाको चर्चा

नयाँ विकल्प
प्रकाशित मिती: २०८१ श्रावण ८, १४: ११

काठमाडौं। आषाढ पूर्णिमाको शुभ अवसरमा काठमाडौंस्थित भारतीय राजदूतावासको आयोजनामा भएको एक विशेष कार्यक्रममा वुद्धले फैल्याएको शान्तिको सन्देश र उपदेशका बारेमा चर्चा गरियो।

यस उत्सवमा नेपालका विभिन्न बौद्ध सम्प्रदाय र गुम्बाका प्रतिनिधिहरुले सहभागीता थियो। भगवान् बुद्धले उत्तर प्रदेशको सारनाथमा पहिलो पटक आफ्ना पाँचजना तपस्वी चेलालाई उपदेश दिनुभएको क्षण नै आषाढ पूर्णिमा हो।

आषाढ पूर्णिमालाई ‘गुरु पूर्णिमा’को रुपमा मनाईने गरिन्छ। बिहारको बोधगयामा बुद्धत्व प्राप्त गरेपछि भगवान् बुद्धले दिनुभएको यस उपदेशले हामीलाई ‘चार आर्य सत्य’ र ‘आर्य अष्टाङ्गिक मार्ग’ बारे चिनाएको थियो। यस दिनलाई ‘धर्म चक्रको पहिलो फन्को’ को रुपमा चिन्ने गरिन्छ।

कार्यक्रममा थेरावडा संघ, महायाना संघ र वज्रयान संघले विधिपूर्वक प्रार्थना गरेका थिए। तत्पश्चात बौद्ध सुत्रबाट प्रार्थनाको वाचन र अपर्ण गरिएको थियो।

काठमाडौंस्थित भारतीय दूतावासका नियोग उप–प्रमुख प्रसन्न श्रीवास्तवले भगवान् बुद्धले दिनुभएको शिक्षाको महत्वमाथि प्रकाश पार्दै भारत र नेपालमा रहेका पवित्र बौद्ध स्थलले दुवै देशबीचको साझा साँस्कृतिक सम्पदालाई उदाहरणको रुपमा चित्रण गरेको बताए।