- अनामनगर काठमाडौँ
- infobikalpa21@gmail.com
गलकोट : थुगु दँया न्हापांगु सिकार सिजनय् झिम्ह नाउर व न्याम्ह झारल सिकार याःगु दु । थुगु दँय् नेपाःया छगू जक वैधानिक सिकार म्हितेज्यूगु ढोरपाटन सिकार आरक्षय् १२ म्ह नाउर व च्याम्ह झारल सिकार यायेत प्यंगू कम्पनीपाखें १२ म्ह विदेशी सिकारीतय्सं अनुमति काःगु खः ।
नाउर सिकार यायेगु अनुमति कयातःम्ह छम्ह सिकारी वयेमफूगु व छम्हेस्यां नाउर सिकार यायेमफूगु ढोरपाटन सिकार आरक्ष ज्याकुथि बागलुङं धाःगु दु ।
जंगली जनावरत नाउर व झारल सिकारया निंतिं थुगुसि अमेरिका, स्पेन, नेदरल्याण्ड्स व मेक्सिकोया १२ म्ह पेशागत सिकारीतय्सं अनुमति काःगु खः । उकी मध्ये छम्ह अमेरिकी सिकारी शुल्क पुलाः नं नाउर सिकार यायेत ढोरपटनय् मवःगु व अमेरिकां हे वःम्ह मेम्ह छम्ह सिकारीं नाउर स्यायेत ताःमलाःगु बागलुङ सिकार आरक्ष ज्याकुथिया सूचना अधिकारी पशुपति अधिकारीं कंगु दु ।
अथेहे विदेशी सिकारीं स्वम्ह झारल स्यायेत ताःमलाःगु खः । न्हय्म्ह बँदेलया सिकार अनुमति कयातःम्ह सिकारीं सिकार हे मयाःगु नं आरक्षं धाःगु दु ।
ढोरपाटन लागाय् दँय्दसं (असोज–मंसिर) न्हापांगु याम व (फागुन–वैशाख) लिपांगु याम याना निक्वः तक सिकार याके बियाच्वंगु दु । सिकारीया निंतिं माःगु बन्दोबस्त व लँ क्यनेत ढोरपाटन सिकार आरक्ष ज्याकुथिं थः कर्मचारी व सिकारीया भरियायात सम्बन्धित सिकार ब्लकय् छ्वयाःतःगु दइ । ढोरपाटन सिकार आरक्ष ज्याकुथि बागलुङया प्रमुख संरक्षण अधिकृत चन्द्र शेखर चौधरीया धापू कथं बँदेल सिकार यायेत बिदेशी सिकारीं मन मतःगु खनेदु । बँदेलया निंतिं नेपाली सिकारीयात तकं सिकार यायेगु खुला यानातसां नं आवेदन परेमजू ।
वय्कःया कथं न्हापांगु सिकार यामय् ग्लोबल सफारिज नेपाल प्रालि, नेपाल ट्राभल एक्पेडिसन प्रालि, हिमालयन वाइल्डलाइफ आवटफिटर्स, स्युचाटार, काठमाडौँ व ओपन नेपाल वाइल्डलाइफ सफारिज ट्रेक प्रालिपाखें सिकारीयात अनुमति ब्यूगु खः ।
सिकार आरक्षयात न्हय्गु ब्लकय् ब्वथलातःगु दु । सेङ, बार्से, सुर्तिवाङ, फागुने, घुस्तुङ, दोगाडी व सुनदह ब्लकय् सिकार जूगु खः । पेशेवर विदेशी सिकार कंपनीया दुजःत पुचः पुचः मुनाः हेलिकप्टरपाखें सिकार म्हितेत आरक्ष थ्यंकेगु याइ ।
खर्च यायेफुम्ह व साहसी सिकारीं विकट थासय् च्वंगु ‘ब्लक’य् सिकार म्हितेगु याइगु सिकार आरक्ष ज्याकुथिं धाःगु दु । सिकारीनापनापं नेपाली सेना व आरक्षया पुचः झिंन्ह्यान्हुतक जंगलय् हे बाय् च्वनी ।
राष्ट्रिय निकुञ्ज व वन्यजन्तु संरक्षण विभागं हरेक सिकार यामय् विद्युतीय बोलपत्र आह्वान याना सिकारया कोटा व राजस्व क्वःछिइ । साहसिक यात्रा व रोमाञ्चक सिकार अनुभवया निंतिं ढोरपाटन विदेशीया यःगु गन्तव्य जुयाच्वंगु दु । थुगुसिइ छम्ह नाउरपाखें हे दकसिबे अप्वः १७ गू लख दां तक राजश्व म्हय्फूगु आरक्ष ज्याकुथिं धाःगु दु ।
नाउर व झारलया मू, ब्लक रिजर्भ, लाइसेन्स, हेलिकप्टर दक्वया बन्दोबस्त यायेबले छम्ह सिकारीं नीगू लख निसें स्वीगू लख द्यबा खर्च याइ । विसं २०४४ सालय् नीस्वंगु ढोरपाटन सिकार आरक्ष बागलुङ, रुकुमपूर्व व म्याग्दी जिल्लाया द्वःछि व ३२५ वर्ग किलोमिटर लागाय् चकनाच्वंगु दु ।
काठमाडौं : राष्ट्रपति रामचन्द्र पौडेलले सम्पत्ति शुद्धीकरण निवारण अध्यादेश-०८३ जारी गरेका छन् । शुक्रबार राष्ट्रपति पौडेलले ‘सम्पत्ति शुद्धीकरण (मनी लाउण्डरिङ)...
काठमाडौँ — अर्थमन्त्री स्वर्णिम वाग्ले र दक्षिण तथा मध्य एसियाका लागि डोनाल्ड ट्रम्पका विशेष दूत सर्जियो गोरबीच भेटवार्ता भएको छ। शुक्रबार...
काठमाडौं — दशरथ रंगशालामा सुकुमवासीहरूको विवरण संकलन कार्य तीव्र गतिमा अघि बढाइएको छ। सहरी व्यवस्थापनलाई प्रभावकारी बनाउने उद्देश्यसहित विभिन्न स्थानबाट...
