प्रचण्डले झलनाथलाई लिएर किन पुगे बालुवाटार ? – Naya Bikalpa
November 20, 2026, Friday      Epaper
नेकपा विवाद

प्रचण्डले झलनाथलाई लिएर किन पुगे बालुवाटार ?


नयाँ विकल्प,


काठमाडौं– नेपाल कम्युनिस्ट पार्टी (नेकपा) अध्यक्ष तथा प्रधानमन्त्री केपी शर्मा ओलीलाई भेटन अर्का अध्यक्ष प्रचण्ड र झलनाथ खनाल तथा नेकपा संसदीय दलका उपनेता सुवास नेम्वाङ बालुवाटार पुगेका छन ।


गत मंगलबार अध्यक्ष ओलीको सहमती विना प्रचण्ड सहित असन्तुष्ट पक्षले स्थाई कमिटिको बैठक बोलाएपछि उत्पन्न जटिलताका विच झलनाथलाई लिएर आइतबार प्रचण्ड बालुवाटार पुगेका हुन ।


प्रधानमन्त्रीको प्रेस् सल्लाहकार सुर्य थापाका अनुसार शिर्ष चार नेता विच प्रधानन्त्री निवास बालुवाटारमा छलफल भैरहेको बताए । नयाँ विकल्पसंग कुरा गदैं थापाले भने “ नेकपाका दुई अध्यक्ष तथा वरिष्ठ नेता झलनाथ खनाल, र नेकपा संसदीय दलका उपनेता सुवास नेम्वाङ विच छलफल भैरहेको छ ।”


वालुवाटारमा भएको उक्त भेटमा पछिल्लो समय नेकपा भित्रको विवाद र चालु स्थायी कमिटिको बैठक सुचारुगर्ने विषयमा छलफल भएको बालुवाटार स्रोतले जनाएको छ ।


गत मंगलबारका अध्यक्ष ओलीको सहमति विना अध्यक्ष प्रचण्ड समुहले स्थायी कमिटिको बैठक बोलाउने प्रयास गरेको थियो । नेकपा बैठक दुई अध्यक्षको सहमतिमा मात्र बोलाउने पूर्वसहमती विपरित प्रचण्ड समुहले एकलौटि रुपमा बैठक बोलाउने प्रयास गर्नु र प्रधानमन्त्री ओली विरुद्धमा वक्तब्य जारी गरेपछि प्रचण्डसंग ओली थप चिडिएका छन् ।

नेकपा स्रोतका अनुसार प्रचण्ड पक्षका भनिएका नेकपाका प्रभावशाली नेता बामदेव ओलीको पक्षमा उभिएका छन । वामदेव गौतमले साथ छाडेपछि प्रचण्ड नेकपा सचिवालय, स्थायी कमिटी तथा केन्द्रिय कमिटिमा समेत अल्पमातमा पर्ने थालेका छन् ।


नेकपा एकिकरण हुनु पहिलेदेखि पुर्व माओवादीसंग नजिक रहेका झलनाथ खनाल प्रचण्डका पनि विश्वास पात्र हुन् । उनै दुई अध्यक्ष विच संवादहिनताको अवस्था भैरहेका बेला खनालको साथमा प्रचण्ड संवादहिनतालाई अन्त्य गर्न बालुवाटार पुगेको बताइएको छ ।

सम्बन्धित समाचार

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७७ श्रावण १८, १२: ०६

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...

हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
  • २०७७ श्रावण १८, १२: ०६

काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७७ श्रावण १८, १२: ०६

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...