‘इनफ इज इनफ’ अभियान्ता भेटेर पौडेलले भने ‘ओली सरकार अटेरी’ – Naya Bikalpa
November 20, 2026, Friday      Epaper

‘इनफ इज इनफ’ अभियान्ता भेटेर पौडेलले भने ‘ओली सरकार अटेरी’

काठमाडौं । नेपाली कांग्रेसका नेता रामचन्द्र पौडेलले कोरोना भाइरसको रोकथामका लागि प्रभावकारी कदम चाल्न माग गर्दै अनसनमा बसेका इनफ इज इनफ अभियानका अभियान्तासँग भेटेपछि केपी ओली नेतृत्वको सरकारलाई ‘अटेरी’ को संज्ञा दिएका छन् ।

काठमाडौको बसन्तपुरमा १६ दिनदेखि अनसन बसीरहेका इनफ इज इनफका अभियन्ता ‘ई’ सँग भेट गरेपछि पौडेलले मुलुकमा देखिएका सम्पुर्ण समस्याको जड भ्रष्टाचार भएको समेत जनाए ।

नेता पौडेलले नेकपा नेतृत्वको सरकारले जनताको स्वास्थ्यसँग खेलवाड गरेकोले सरकारको हेलचेक्राईविरुद्ध अभियानमा जुटेका युवाहरुको अभियानमा आफु र आफ्नो पार्टीको साथ रहेको बताए ।

पीसीआरको दायरा बढाउन र क्वारेन्टिन व्यवस्थित गर्न माग गर्दै अभियन्ताहरु अनसन बस्नु दुर्भाग्यपूर्ण भएको जनउँदै पौडेलले भने –‘जनताको स्वास्थ्यसंग जोडिएको सामान्य विषयमा अनसन बस्दा पनि नसुन्ने भनेको सरकार साच्चै नै अटेरी सरकार हो ।’

पीसीआरको दायरा बढाउन र क्वारेन्टाइन व्यवस्थित गर्न समेत नसक्ने यो सरकार नै दुर्भाग्यपूर्ण रहेको भन्दै उनले अनशनकारीको माग सम्बोधनका लागि राज्यले ध्यान नदिएको र १६–१६ दिनसम्म अनशन बस्दा पनि माग सम्बोधन नगर्नु सरकारको चरम लापरवाही भएको बताए ।

अभियन्ता ‘ई’ विगत १६ दिनदेखि दोस्रो पटक सत्याग्रहमा बसेका छन् । यसअघि उनी पहिलो पटक ललितपुरको पटनस्थित कृष्ण मन्दिरमा सत्याग्रहमा बसेका थिए । उनी पानी समेत नपिइ अनसन बसेका छन् ।

सम्बन्धित समाचार

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७७ श्रावण १८, १७: २२

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...

हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
  • २०७७ श्रावण १८, १७: २२

काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७७ श्रावण १८, १७: २२

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...