- अनामनगर काठमाडौँ
- infobikalpa21@gmail.com
येँ : येँ महानगरपालिकापाखें निर्माण जूगु नापं भिंकेज्या जूगु लँया गुणस्तर परीक्षणया निंतिं ‘कोर कटिङ’ नमूना प्रयोगशालाय् छ्वयेगु यानाच्वंगु दु ।
उगु परीक्षणपाखें पिच यायेत छ्यःगु ‘विटुमिन’ या मात्रा व गुणस्तर, पिचया ब्या, ग्यसु, निर्माण ज्वलंया मिश्रण मात्राया बारेय सिइकेगु कामपाया धापू दु ।
सतकया जवया ब्व, दथुया ब्व व खवया ब्व कथं थीथी थासं परीक्षणया निंतिं कटिङ याइगु कामपाया उपप्रमुख सुनिता डङ्गोलं धयादिल । कामपाया अनुगमन समितिया कजितकं जुयादीम्ह डङ्गोलं कोर कटिङं भिंकेज्या जूगु सतकया अवस्था सिइकेया निंतिं अप्वः ग्वाहालि जुइ धयादी ।
पूर्वाधार सुधार यानाः येँयात धु मदूगु सहर दयेकेगु कामपाया ‘धु मदूगु सतक’ ज्याझ्वः ३ दँतक न्ह्याइगु बहुवर्षीय योजना खः । थुकिया निंतिं दँय्दँसं थ्यंमथ्यं छगू अर्ब खर्च जुइगु अनुमान यानातःगु दु । कामपाया भौगोलिक लागायात प्यकू ब्वय् ब्वथलाः दक्वः ब्वया निंतिं छगू प्याकेज दयेकातःगु दु । थुकि दुने पूर्व ब्वय् वडा नं ६, ७, ८, ९, १०, ३१, ३२ लाः । थ्व वडाय् ज्या यायेत थ्यंमथ्यं ९० क्वःति लागतया अनुमान याःगु खः ।
सार्वजनिक निर्माण विभागया प्रमुख सुरज शाक्यया कथं ‘धु मदूगु सतक ज्याझ्वः’ दुने छु नं थाय् मत्वतुसे फुक्कं सतक पिच जुइ । मर्मत सम्भार कार्यक्रम व पूर्वाधार एम्बुलेन्स कार्यक्रम दुने दुनावंगु, तुनावंगु अले स्यनावंगु थाय्यात याकनं भिंकेगु ज्या खः । थुकि नं सतक पिच यायेगु ज्या याइ तर, थ्व ब्व ब्वय् जक जुइ ।
“सहरयात धु मदूगु दयेकेत कामपां पूर्वाधार निर्माण यायेधुंकाः थुकिया छ्यलाबुलाय् स्थानीयवासीपाखें पूवंकेमाःगु भाला दु”, वडा नं ४ या नायः दिनेश महर्जनं धयादिइ, “छेँ, पसः वा बनेज्याय् बपुनाःवःगु धु सतक व नालीइ वांछ्वइगु बानीइ सुधार वयेमाः । धु मदूगु ज्याझ्वःया धिसिलागु कुतः थनः हे न्ह्याइ, मुख्य खँ बानीइ ह्युपाः हयेमाल ।”
लुम्बिनी : नेपालस्थित भारतीय दूतावासले लुम्बिनीमा बुद्ध जयन्ती मनाएको छ। लुम्बिनी विकास कोष र लुम्बिनी बौद्ध विश्वविद्यालयको सहकार्यमा कार्यक्रम सम्पन्न...
काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...
काठमाडौंः स्थानीय बजारमा आज सुनचाँदीकोे मूल्य बढेको छ । सुन प्रतितोला रु तीन हजार ४०० र चाँदी रु १३५ ले...
