- अनामनगर काठमाडौँ
- infobikalpa21@gmail.com
येँ : सलंसः दँ निसें न्ह्यानावयाच्वंगु सोवा रिग्पा उपचार पद्दतिबारे उच्च शिक्षा ब्वनाच्वंपिं ब्वनामिपिंत मान्यता बिइमाःगु खँय् सम्बन्धित पक्षतसें बः बियाहःगु दु । आः लुम्बिनी विश्वविद्यालयपाखें सम्बन्धन कयाः बौद्ध जोरपाटीइ पलिस्था जूगु सोवा रिग्पा इन्टरनेशनल कलेजं पास जुपिं ब्वनामिपिंसं मेडिकल काउन्सिलपाखें दसिपौ मबिया च्वय्या तगिंलय् ब्वनेगु बाय् सरकारी सेवाय् दुहाँ वनेत समस्या जुयाच्वंगु धाःसें उमित थुगु सेवां त्वाथले मज्यूगु वय्कःपिनिगु माग दु । आः थुगु कलेजं नेपाःनापनापं भुटान, भारत, फिनल्याण्ड, कोस्टारिका, स्पेन व तिब्बतं वःपिं ३५ म्ह ब्वनामिं न्यादँत्याया कोर्ष पूवंका दच्छिया इन्टर्न नापं यायेधुंकूगु दु ।
आडरा नेपालं थौं ग्वसाःग्वःगु सहलह ज्याझ्वलय् स्वास्थ्य व जनसंख्या मन्त्रालयया अतिरिक्त सचिव डा दीपेन्द्ररमण सिंहं परम्परागतकथं छ्यलाबुलाय् दूगु सोवा रिग्पा उपचार पद्दतिया संरक्षण नापं तब्याकेया निंतिं थुकिया उच्च शिक्षायात व्यवस्थित यायेत मन्त्रालय सकारात्मक जूगु धयादिल । मन्त्रालयया नीति योजना व अनुगमन महाशाखाया प्रमुख डा कृष्णप्रसाद पौडेलं स्वास्थ्य नीतिइ सोवा रिग्पाया व्यवस्था यानागुलिं सम्बन्धित स्वास्थ्य संस्थाय् दरबन्दीया व्यवस्था यायेत माःगु नीतिगत सुधार यायेमाःगु खँय् बः बियादिल ।
आयुर्वेद मेडिकल काउन्सिलया रजिष्टार डा निर्मल भुसालं भारतनापं मेमेगु देशय् सोवा रिग्पायात सरकारी मान्यता बियातःगु सन्दर्भय् नेपालय् नं थुकिया उच्च शिक्षा यानाच्वंपिं ब्वनामितय्त काउन्सिलय् दर्ता यायेत प्रकृया न्ह्याकेफइगु खँ धयादिल । लुम्बिनी विश्वविद्यालयया पुलांम्ह डीन उकेशराज भुजुं विश्वविद्यालय नं विज्ञपिनिगु सुझाःकथं तयार यानागु सोवा रिग्पाया पाठ्यक्रमयात विषयगत समिति, प्राज्ञसभानं पारित याना छ्यलाबुलाय् हयाःगुलिं थुकियात सरकारी मान्यता बिइमाःगु वय्कल धयादिल ।
ज्याझ्वलय् आयुर्वेद व चिकित्सा विभागया महानिर्देशक डा श्यामबाबु यादवं सोवा रिग्पा विभाग अन्तर्गत लाःगुलिं थुकियात मान्यता बीफइगु धयादिल । आडरा नेपालया राष्ट्रिय प्रतिनिधि प्रवीण ढकालं हिमाली लागाय् सोवा रिग्पा उपचार पद्दतिया अभ्यास यानाच्वंपिं आम्चीतपाखें जनतायात अःपुक स्वास्थ्य सेवा थ्यंके फयाच्वंगु नापनापं सामुदायिक विकासय् नं मू योगदान जुयावनाच्वंगु धाःसें फुक्कं कथंया उपचार पद्दति तयेत राज्यं उतिकं प्राथमिकता बिइमाःगु खँय् बः बियादिल ।
सोवा रिग्पा इन्टरनेशनल कलेजया निर्देशक डा तेन्जिङ धार्के गुरुङं न्हय्क्वःगु शताब्दीनिसें न्ह्यानावयाच्वंगु सोवा रिग्पाया अभ्यासयात भारत, चीननापं हलिंया यक्व हे देसय् औपचारिक कथं ब्वंकेगु ज्या जुयाच्वंगुलि नेपालय् नं छुं दँ न्ह्यवनिसें ब्वंकागुसां उपिं ब्वनामिपिंत मेडिकल काउन्सिलं दर्ता याना मबियालि समस्या जुयाच्वंगुलिं सम्बन्धित फुक्क निकायया ध्यान थुखे वनेमाःगु धयादिल । आः मुस्ताङया ल्हो घेकर दामोदरकुण्ड व गोरखाया चुमनव्री गाउँपालिकां स्थानीय राजपत्रय् हे पिकयाः सोवा रिग्पायात आधिकारिक मान्यता ब्यूगु दु सा मेमेगु पालिकां नं प्रकृया न्ह्याकूगु खँ थुगु ज्याझ्वलय धाःगु दु ।
लुम्बिनी : नेपालस्थित भारतीय दूतावासले लुम्बिनीमा बुद्ध जयन्ती मनाएको छ। लुम्बिनी विकास कोष र लुम्बिनी बौद्ध विश्वविद्यालयको सहकार्यमा कार्यक्रम सम्पन्न...
काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...
काठमाडौंः स्थानीय बजारमा आज सुनचाँदीकोे मूल्य बढेको छ । सुन प्रतितोला रु तीन हजार ४०० र चाँदी रु १३५ ले...
