नख्खु करिडोरय् तसकं धू व गन्ध, स्थानीययात सास्ती

नयाँ विकल्प संवाददाता
प्रकाशित मिती: २०८१ पुष १५, २०: १०

यल : यलया नख्खु करिडोर लागाय् तसकं धू व नवया स्थानीयनं सास्ती फये मालाच्वंगु दु । असोज १२ गते शनिबाः नख्खु खुसिइ वःगु खुसिबाःया हुनिं करिडोर स्यंगुलिं धू या समस्या अप्वःगु खः । नख्खु करिडोरय् धू व खुसि नवया बस्ती च्वने हे थाकूगु स्थानीयया धापू दु ।

खुसिबाःया हुनिं नख्खु खुसि सिथय् मुनाच्वंगु धू ब्वयावयाः बस्तीइ थ्यंगु अले धू व नवया च्वने थाकूगु यल उपमहानगरपालिका–४ या स्थानीय मिलन यसमाली मगरं थःगु दुःख प्वंकादिल । वय्कलं धयादिल, “न्हिनय् फय् नापं ब्वयाः वइगु धू अले खुसिया दुर्गन्ध बस्तीय दुहाँ वइ । चिकुलां थपायच्वः धू व नवया च्वने मजियाच्वंगु दु लिपा बर्खां झं गुलि थाकुइगु खः ।”

खुसिबाः नं स्यंकूगु त्वनेगु ल, यातायात व विद्युत्या समस्यात चिइके धुनाःगु व मेमेगु समस्यात चिइकेत पलाः न्ह्याके धुनाःगु यल महानगरपालिका–१३ या वडाध्यक्ष गणेश केसीया धापू दु । “नख्खु करिडोरय् टिप्परया हुनिं बस्तीइ लिच्वः लाःगु खः । टिप्पर जुइगु लँया व्यवस्थापन महानगरं याये फयाच्वंगु मदु । टिप्परया हुनिं धूया समस्या झं तच्वःगु खः ।”

नख्खु व भैँसेपाटी स्वाइगु नख्खु खुसिया तां व थुकिया जःखःय् धूया हुनिं सकस्यां सास्ती फयेमालाच्वंगु दु । न्हियान्हिथं नख्खु खुसि तां जुया भैँसेपाटी थ्यंकवइम्ह मोटरसाइकल यात्रु वीरेन्द्र तितुङं धू व खुसिया दुर्गन्धं थःत दिक्क तायेके धुंकूगु धयादिल । वय्कलं धयादिल, “जिमी म्ह्याय् थ्वहे तांजुया स्कुल वनी, म्ह्याय् नं खुसिया दुर्गन्ध व धू नं थःत तसकं थाकूगु धयाच्वंगु दु । धू व खुसिया दुर्गन्धया व्यवस्थापन जिम्मेवार निकायनं याकनं यानाबीमाःगु खः ।”

अथे हे, खुसिबाः नं नख्खु करिडोर लागा स्यंकूगुलिं खुसिबाः पीडितं सरकारपाखें अझं छुं राहत कायेमखंगु स्थानीय विश्वास थापा धयादी । वय्कलं धयादिल, “ख्वाउँ अप्वःगु दु । खुसिबाः पीडितत थाकुक च्वनाच्वंगु दु । धू व दुर्गन्धं बस्तीइ लिच्वः लाकाच्वंगु दु । जिम्मेवार निकायया ध्यान वनेमाःगु खः, ग्वः वंगु धाःसा मदुनि । चिकुलां हे थुलि धू व नवःया च्वने थाकु, बर्खा न्ह्यातकिला झं नवःगु व धूया समस्या तच्वइ ।”

सम्बन्धित समाचार

भारतीय दुतावासले लुम्बिनीमा मनायो बुद्ध जयन्ती

२०८१ पुष १५, २०: १०

लुम्बिनी : नेपालस्थित भारतीय दूतावासले लुम्बिनीमा बुद्ध जयन्ती मनाएको छ। लुम्बिनी विकास कोष र लुम्बिनी बौद्ध विश्वविद्यालयको सहकार्यमा कार्यक्रम सम्पन्न...

बुद्ध जयन्तीकै दिन भत्काइयो गुम्बा

२०८१ पुष १५, २०: १०

काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...