- अनामनगर काठमाडौँ
- infobikalpa21@gmail.com
म्याग्दी : अमेरिकाय् च्वनाच्वंम्ह म्याग्दीया सुजनप्रसाद गौतम नेतृत्वया अनुसन्धानकर्तापिनिगु पुचलं नेपालय् सौर्य गतिविधि व वा वइगु विषयस याःगु अध्ययन प्रतिवेदन सार्वजनिक जूगु दु ।
अनुसन्धानकर्ता गौतमया नेतृत्वय् अनुसन्धानकर्ता अशोक सिलवाल, बासुदेव बराल व डा बिनोद अधिकारीया पुचलं ‘द पोसिबल इम्प्याक्ट अफ सोलार एक्टिभिटी अन रेनफल इन नेपाल : अ केस स्टडी’ शीर्षकय् यानादीगु अध्ययनया प्रतिवेदन अन्तर्राष्ट्रिय जर्नल ‘एड्भान्सेस इन स्पेस रिसर्च’य् प्रकाशित जूगु दु । जल व मौसम विज्ञान विभागया सन् १९६८ निसे सन् २०२३ तकया पोखरा व येँया लय् पतिकंया वा वइगु या ल्याःचाःयात सौर्य गतिविधिया स्वापूयात आधार कयाः अध्ययन यानाःगु अनुसन्धानकर्ता गौतमं धयादिल ।
“थ्व अध्ययनं नेपाःया निगू सहर पोखरा व येँया लय् पतिकं वःगु वा व सौर्य गतिविधि दथुया स्वापूयात वैज्ञानिक दृष्टिं प्रमाणित याःगु दु”, वय्कलं राससयात धयादिल, “सौर्य गतिविधि व वा वइगु प्रवृतिइ ११ दँ तकं दीर्घकालीन रुपं ज्वःलाःगु खने दूगु दु ।”
११ दँया सौर्य चक्रया लिच्वः वा वइगुलि लाःगु व थुगु तथ्ययात आधार कयाः वा वइगु नापं स्वानाच्वंगु विपद्या जोखिमय् दूगु थासय् न्हापां सतर्क जुइत ग्वाहालि याइगु अनुसन्धानकर्ता गौतमं धयादिल । वय्कःया कथं हलिंया थीथी देशय् सौर्य गतिविधि व वा वइगु दथुया स्वापूबारे अनुसन्धान जूसां भौगोलिक विविधता दूगु नेपालय् थ्व विषयस म्हवः वैज्ञानिक प्रमाण जक दुगु खः ।
अथे जुया थ्व अध्ययन प्रतिवेदन नेपाःया निंतिं सान्दर्भिक व महत्वपूर्ण तायेकातःगु दु । सूद्र्यःया जःखय् ह्यूपाः, ‘सनस्पट’ चक्र व सौर्य वायुया थतःक्वतं पृथ्वीया जलवायु प्रणालीइ महत्वपूर्ण लिच्वः लाके फइगु हलिंया मेमेगु देशय् जूगु पुलांगु अध्ययनतय्सं प्रमाणित याःगु दु । वायुमण्डलीय परिसंचालन, सुपाँय् निर्माण व वा वइगु पहःयात लिच्वः लाकीगु प्रतिवेदनय् न्ह्यथनातःगु दु ।
‘क्रस वेभलेट ट्रान्सफर्म’ अध्ययन प्रविधि छ्यलाः ल्याःचाःया अध्ययन व विष्लेषण याःगु खः । नेपालय् सौर्य गतिविधिं जलवायु प्रणालीइ लाकीगु लिच्वःया महत्व उलाःक्यंगु थुगु अध्ययन प्रतिवेदनं सौर्य गतिविधि व जलवायु ह्यूपाः दथुइया स्वापू म्हसिकेगु लिधंसा दयेकाब्यूगु दु । सौर्य गतिविधयात नेपालय् जलवायु ह्यूपाः अध्ययनया छगू महत्वःगु कारक कथं स्थापित जूगु दु । थुकिं नेपाःया वैज्ञानिक समाज व जलवायु व्यवस्थापनया रणनीतियात न्हूगु पहःनं स्वयेत ग्वाहालि याइगु अपेक्षा यानातःगु दु ।
त्रिभूवन विश्वविद्यालयपाखें भौतिकशास्त्रय् स्नातक व स्नातकोत्तर पूवंकाः पूवंकं छात्रवृत्तिइ अध्ययनया निंतिं अमेरिकाया ‘युनिभर्सिटी अफ आलाबामा इन हन्ट्सभिलमा स्पेस साइन्स’य् हाकनं स्नातकोत्तर सिधयेकाः विद्यावारिधि अध्ययन यानाच्वनादीम्ह गौतमया छेँ म्याग्दीया मालिका गाउँपालिका–६ दरवाङ खः । वय्कलं अमेरिकाया उगु विश्वविद्यालयया अध्ययन केन्द्रय् ‘सेन्टर फर स्पेस प्लाज्मा एण्ड एरोनोमिक रिसर्च’य् रिसर्च असिस्टेन्टया कथं थःगु अनुसन्धानत यानावयाः च्वनादीगु दु ।
लुम्बिनी : नेपालस्थित भारतीय दूतावासले लुम्बिनीमा बुद्ध जयन्ती मनाएको छ। लुम्बिनी विकास कोष र लुम्बिनी बौद्ध विश्वविद्यालयको सहकार्यमा कार्यक्रम सम्पन्न...
काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...
काठमाडौंः स्थानीय बजारमा आज सुनचाँदीकोे मूल्य बढेको छ । सुन प्रतितोला रु तीन हजार ४०० र चाँदी रु १३५ ले...
