- अनामनगर काठमाडौँ
- infobikalpa21@gmail.com
येँ : नेपाली कांग्रेसया सभापति शेरबहादुर देउवां गणतन्त्रयात सुदृढ यायेमाःगु खँय् बः बियादीगु दु ।
नेपाली कांग्रेस येँ जिल्ला कार्यसमितिं राष्ट्रिय मेलमिलाप दिवसया लसताय् थौं ग्वसाग्वःगु पार्टीया सच्छि न्हू अभियानया क्वचायेकाः वय्कलं सकल नेपाःमिपिं छवाः जुया गणतन्त्रयात सुदृढ यायेमाःगु थौंया आवश्यकता जूगु धयादिल ।
सभापति देउवां राष्ट्रिय मेलमिलापया नीतिपाखें प्रेरित जुयाः नेपाली कांग्रेस जक मखसे सकल नेपाःमि छवाः जुयाः राष्ट्रनिर्माणया ज्याय् न्ह्यावनाः च्वनाःगु धासें थ्व एकता न्ह्याबलें जुयाच्वनेमाः धयादिल ।
पूर्वप्रधानमन्त्री देउवां गणतन्त्रयात सफल यायेत थुकिया विरुद्धया ज्याखँत याकेबिइमज्यू धयादिल । वय्कलं हिमाल, तराई, पहाड न्ह्यागु नं थासय्या नेपाःमि दथुइ छवाः जुयाः मेलमिलाप दयेकाच्वनेमाःगु खँय् बः बियादिल ।
पार्टीया नेता कृष्णप्रसाद सिटौलां देय्या आर्थिक प्रगति आःया आवश्यकता जूगु खँ न्ह्यथँसे धयादिल, “आर्थिक कथं ल्युनेलाःपिं जनतातय्त विकासया मूल प्रवाहय् स्वाकेमाः, दलित, मिसातय्या समस्या ज्यंकेगु उमित नं आर्थिक समृद्धिया लँपूइ न्ह्याकेगु नेपाली कांग्रेसया दायित्व खः ।” नेपाली कांग्रेसपाखें राष्ट्रिय मेलमिलाप नीतिअनुरुप फुक्कं राजनीतिक दलतय्त छथाय् हयाः ज्या यायेमाःगु नं वय्कलं धयादिल ।
नेपाली कांग्रेस येँया सभापति सबुजकृष्ण बानियाँं पार्टीयात गुट–उपगुटपाखें मुक्त यायेमाः धकाः धयादिल । पार्टीं येँया सच्छि व ३८गू हे वडा, ११ गू हे स्थानीय तह व १० गू निर्वाचन लागाय् सच्छि न्हू अभियान न्ह्याकाःगु धकाः नं वय्कलं धयादिल ।
लुम्बिनी : नेपालस्थित भारतीय दूतावासले लुम्बिनीमा बुद्ध जयन्ती मनाएको छ। लुम्बिनी विकास कोष र लुम्बिनी बौद्ध विश्वविद्यालयको सहकार्यमा कार्यक्रम सम्पन्न...
काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...
काठमाडौंः स्थानीय बजारमा आज सुनचाँदीकोे मूल्य बढेको छ । सुन प्रतितोला रु तीन हजार ४०० र चाँदी रु १३५ ले...
