जित याःगु कारबाही विधानसम्मत मजू : नेता डा रावल

येँ : नेपाल कम्युनिष्ट पार्टी (एमाले)या पूर्वनेता डा भीमबहादुर रावलं पार्टीं साधारण दुजःतकं मजुइगुकथं थःत याःगु कारबाही दलया विधान, विधि व प्रक्रियाकथं मजुगु धकाः न्ह्यथनादीगु दु ।

पार्टीं लिकयाः हयेधुंकाः न्हापांखुसी पत्रकार सम्मेलन यानादिसें एमालेया पूर्वनेता रावलं धयादिल, “थःम्हं मातृभूमि जागरण अभियान न्ह्याकेगु व उगु झ्वलय् शुभचिन्तक, शुभेच्छु व आमजनतापाखें वःगु सद्भाव व भावनाया लिधंसाय् न्ह्याःवने ।”

एमाले सचिवालयया मुँज्यां वय्कःयात थ्व हे पुस १० गते साधारण दुजःतकं मजुइगुकथं पार्टीं लिकाःगु खः । एमालेय् च्वनाच्वंबलय् वय्कलं सरकारया उपप्रधानमन्त्री, पर्यटन नापं नागरिक उड्डयन, गृह व रक्षामन्त्रीया जिम्मेवारी तकं कायेगु ह्वःताः चूलाकादिल ।

पार्टीदुने थःत राष्ट्रवादी नेता धायेके ययेकीम्ह डा रावल पार्टीया ११ क्वःगु महाधिवेशनय् नायः पदया उम्मेदवार जुयादीगु खः । विसं २०३२ य् दुजः जुइधुंकाः देय्, जनता, स्वाभिमान व सिद्धान्तप्रति इमान्दार जुयाः पार्टीदुने कयाच्वंगु जिम्मेवारी व फयेमाःगु हाथ्यालिसेंया विषय वय्कलं थौं पत्रकार सम्मेलनय् कनादिल ।

सम्बन्धित समाचार

भारतीय दुतावासले लुम्बिनीमा मनायो बुद्ध जयन्ती

• २०८१ पुष १७, २१: ००

लुम्बिनी : नेपालस्थित भारतीय दूतावासले लुम्बिनीमा बुद्ध जयन्ती मनाएको छ। लुम्बिनी विकास कोष र लुम्बिनी बौद्ध विश्वविद्यालयको सहकार्यमा कार्यक्रम सम्पन्न...

बुद्ध जयन्तीकै दिन भत्काइयो गुम्बा

• २०८१ पुष १७, २१: ००

काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...

सुनचाँदीको मूल्य वृद्धि

• २०८१ पुष १७, २१: ००

काठमाडौंः स्थानीय बजारमा आज सुनचाँदीकोे मूल्य बढेको छ । सुन प्रतितोला रु तीन हजार ४०० र चाँदी रु १३५ ले...