- अनामनगर काठमाडौँ
- infobikalpa21@gmail.com
येँ : नेपालय् आः न्ह्यानाच्वंगु आवास व भोजन सेवालिसे सम्बन्धित प्रतिष्ठानतय्गु ल्याः थ्यंमथ्यं छगू लखत्या लिक्क थ्यंधुंकूगु दु । राष्ट्रिय तथ्याङ्क ज्याकुथिं थौं सार्वजनिक याःगु राष्ट्रिय होटल व रेस्टुरेन्ट सर्वेक्षण २०८० या प्रतिवेदनकथं आवास व भोजन सेवा बियाच्वंगु प्रतिष्ठानतय्गु ल्याः छगू लख ४२ द्वः २ सः व २३ गू दु ।
दकसिबे अप्वः बागमती प्रदेशय् ५२ द्वः १ सः व २३ गू होटल व रेस्टुरेन्टत दु धाःसा दकसिबे म्ह्वः कर्णाली प्रदेशय् ७ द्वः १ सः व १० गू दु । अथेहे, कोशीइ २५ द्वः ८ सः व ८७, मदेशय् ११ द्वः ७ सः व ४०, गण्डकीइ १६ द्वः ९ सः व ७६, लुम्बिनीइ २० द्वः १ सः व ५८ नापं सुदूरपश्चिमय् ८ द्वः २ सः व २८ गू दु ।
अध्ययन प्रतिवेदनकथं थजाःगु प्रतिष्ठानय् स्वानाच्वंपिं मनूतय्गु ल्याः ३ लख ८७ द्वः ७ सः व ४७ म्ह दु । थ्व होटल व रेस्टुरेन्ट बनेज्या यानाच्वंपिं बन्जाः व साझेदार, वेतलबी छेँजःया दुजःत व तलबी रोजगार मनूतय्गु ल्याः खः ।
थुगु ख्यलय् तप्यंक रोजगार यानाच्वंपिं मनूतय्गु ल्याः १ लख ६ द्वः ४ सः व ५९ म्ह दु । होटल व रेस्टुरेन्टं कर्मचारीतय्गु छदँया तलब, ज्याला व सुविधाय् २० अर्ब ६१ क्वति ५० लख ध्यबा खर्च यानावयाच्वंगु अध्ययन प्रतिवेदनय् न्ह्यथनातःगु दु ।
आवास व भोजन सेवा बियाच्वंगु प्रतिष्ठानय् थ्यंमथ्यं २ खर्व १६ अर्ब ७३ क्वति ८३ लख ध्यबा बराबरया लाय् दयाच्वंगु व थ्यंमथ्यं ३ खर्ब २६ अर्ब १ क्वति ४ लखया मू बराबरया सेवा उत्पादन जुयाच्वंगु प्रतिवेदनय् न्ह्यथनातःगु दु । थुकियाकथं आवास व भोजन सेवा बियाच्वंगु प्रतिष्ठानं नेपाःया अर्थतन्त्रय् थ्यंमथ्यं १ खर्व ९ अर्ब २७ क्वति १ लख ध्यबा बराबरया मू अभिवृद्धि (भ्यालु एड) याःगु खनेदु ।
अध्ययन प्रतिवेदनकथं आवास व भोजन सेवा बियाच्वंगु प्रतिष्ठानय् थ्यंमथ्यं ५ खर्ब ४३ अर्ब २५ क्वति ८२ लख मू बराबरया स्थायी सम्पत्ति खनेदूगु दु ।
थजाःगु प्रतिष्ठानमध्ये थ्यंमथ्यं २८.४ प्रतिशतं वित्तिय संस्थातय्के ऋण काःगु खनेदु धाःसा ७१.६ प्रतिशत प्रतिष्ठानतय्सं ऋण मकाःगु खनेदु ।
ज्याकुथिया उपप्रमुख तथ्याङ्क अधिकारी डा हेमराज रेग्मीया कथं थुगु सर्वेक्षणय् आवास व भोजन बनेज्यालिसे सम्बन्धित तारे होटल, रिसोर्ट, गैर तारे होटल, होमस्टेलिसेंया अवस्था अध्ययन याःगु खः ।
होटलय् दुगु कोथाया ल्याः १ लख १६ द्वः १ सः क्वः दु । गुकिमध्ये स्टार होटलय् ८ द्वः ४ सः व ९६ कोथा, गैर तारे होटल व लजय् १ लख ७५, रिसोर्टय् ३ द्वः ८ सः व २९ नापं होमस्टेलय् ३ द्वः ७ सः क्वः कोथा दुगु थुगु अध्ययनं क्यंगु दु ।
थौंकन्हय् नेपालय् सञ्चालित होटल व लजं छकलं २२ लख ३४ द्वः ८ सः ५२ म्हसित सेवा बिइफइगु खँ नं अध्ययनय् धयातःगु दु ।
लुम्बिनी : नेपालस्थित भारतीय दूतावासले लुम्बिनीमा बुद्ध जयन्ती मनाएको छ। लुम्बिनी विकास कोष र लुम्बिनी बौद्ध विश्वविद्यालयको सहकार्यमा कार्यक्रम सम्पन्न...
काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...
काठमाडौंः स्थानीय बजारमा आज सुनचाँदीकोे मूल्य बढेको छ । सुन प्रतितोला रु तीन हजार ४०० र चाँदी रु १३५ ले...
