- अनामनगर काठमाडौँ
- infobikalpa21@gmail.com
येँ : गृहमन्त्री रमेश लेखकं भ्रष्टाचार नियन्त्रण व सुशासनया सुनिश्चितता आःया सरकारं उच्च प्राथमिकता तयातःगु धयादीगु दु ।
प्रतिनिधिसभा, राज्य व्यवस्था व सुशासन समितिया थौंया मुँज्याय् ‘भ्रष्टाचार निवारण ऐन, २०५९ यात संशोधन यायेत दयेकूगु विधेयक’य् जुगु सहलहय् थंगु न्ह्यसःया लिसः बियादिसें गृहमन्त्री लेखकं धयादिल, “सरकारं भ्रष्टाचारयात शून्य सहनशीलताया कथं काःगु दु, सुशासनया सुनिश्चिता यायेत सरकार प्रतिबद्ध दु ।”
मुलुकय् भ्रष्टाचार नियन्त्रण व सुशासन दयेकेगु मू जिम्मेवारी सरकारया जुगु धयादिसें वय्कलं जनतां ईब्यःकथं निर्वाचित जूगु राजनीतिक दलं गठन याःगु सरकारं जक भ्रष्टाचार नियन्त्रण यायेत सक्षम जुइगु धयादिल ।
“सरकारयात सकसिनं भलसा यायेमाः, मफूगुमचाःगु दःसा खबरदारी यायेमाः”, वय्कलं धयादिल । वय्कलं भ्रष्टाचार याःगु द्वपंया अनुसन्धान व कारबाही न्ह्यागु इलय् हे जुइफइगु खँ कनादिल ।
गृहमन्त्री लेखकं नुवाकोटया शेरादरबारया जग्गा हिनामिनासम्बन्धी मुद्दाय् दुग्यंक अनुसन्धान जुयाच्वंगु खँ नं कनादिल । “थुगु विषयकय् अनुसन्धान जुइ, कारबाही न्ह्याइ”, वय्कलं धयादिल, “उगु जग्गा मखूगु ज्या यानाः सुं नं मनू वा कम्पनीया नामय् यानातःसां व लित काये ।”
गैरकानुनी ढङ्गं जुगु भ्रष्टाचारया ज्या, सरकारी व सार्वजनिक सम्पत्तिया हिनामिनाय् सरकार सुंक च्वनीमखूगु व सरकारी सम्पत्ति लित कायेगु वय्कलं धयादिल ।
लुम्बिनी : नेपालस्थित भारतीय दूतावासले लुम्बिनीमा बुद्ध जयन्ती मनाएको छ। लुम्बिनी विकास कोष र लुम्बिनी बौद्ध विश्वविद्यालयको सहकार्यमा कार्यक्रम सम्पन्न...
काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...
काठमाडौंः स्थानीय बजारमा आज सुनचाँदीकोे मूल्य बढेको छ । सुन प्रतितोला रु तीन हजार ४०० र चाँदी रु १३५ ले...
