- अनामनगर काठमाडौँ
- infobikalpa21@gmail.com
येँ : राष्ट्रिय स्वतन्त्र पार्टी (रास्वपा) पाखें संविधानय् संशोधन यायेमाःगु खँ यात ध्यानय् तयाः ‘सविधान परिमार्जन सुझाव कार्यदल’ नीस्वंगु दु । प्रमुख सचेतक सन्तोष परियारया संयोजकत्वय् कार्यदल नीस्वनाःगु उगु पार्टीया कार्यवाहक प्रवक्ता मनिष झानं धयादिल ।
वय्कःया कथं कार्यदलं न्हय्गुलिं प्रदेशय् माःगु सहलह ब्याकेगु व सम्बन्धित फुक्कं साझेदार अले संविधानविद्नापं सहलह यानाः दलया पाखें सार्वजनिक धारणा दयेकेगु धाःगु दु । कार्यदलय् कान्तिशिखा धिताल, डा नन्दन यादव, गणेश कार्की, सोभिता गौतम, असिम साह, डा तोसिमा कार्की, डा अच्युतम लामिछाने व मेघ आले च्वनादीगु दु ।
उगु कार्यदलं न्हय्गूलिं प्रदेशय् याइगु सहलह ज्याझ्वःया कजि पार्टीया हे प्रदेश सभापतियात दयेकूगु दु ।
थ्वहे दथुइ रास्वपाया केन्द्रीय समितिया निन्हूगु न्हि या मुँज्या स्वयम्भूया स्टार भेन्यूइ न्ह्यानाच्वंगु दु । निन्हूगु न्हिया मुँज्याय् संविधान परिमार्जन व प्रस्तावनाया व्याख्या लिसें सर्वाङ्गीण विकासया भावी कार्यदिशाबारे सहलह जुइगु कार्यवाहक प्रवक्ता झानं धयादिल ।
पार्टी सभापतिया राजनीतिक प्रतिवदेनया लिधंसाय् भविष्यया ज्याखँ व ज्याझ्वः धलःयात कया सहलह जुइगु धाःगु दु । अथे हे पार्टीया केन्द्रीय समिति, सल्लाहकार समिति, सल्लाहकार परिषद् व केन्द्रीय विभागया पुनर्गठनया बारे नं सहलह जुइगु दु । मुँज्यां पार्टीया मुँज्या न्ह्याकेगु कार्यविधि संशोधन याइगु व आचारसंहिताया बारे नंं सहलह याइगु धाःगु दु ।
लुम्बिनी : नेपालस्थित भारतीय दूतावासले लुम्बिनीमा बुद्ध जयन्ती मनाएको छ। लुम्बिनी विकास कोष र लुम्बिनी बौद्ध विश्वविद्यालयको सहकार्यमा कार्यक्रम सम्पन्न...
काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...
काठमाडौंः स्थानीय बजारमा आज सुनचाँदीकोे मूल्य बढेको छ । सुन प्रतितोला रु तीन हजार ४०० र चाँदी रु १३५ ले...
