- अनामनगर काठमाडौँ
- infobikalpa21@gmail.com
बागमती : बाराया अमलेखगञ्जनिसें लोथरतक पेट्रोलियम पाइप लाइन विस्तारया ज्या याकनः न्ह्याकीगु जूगु दु । मोतीहारी–अमलेखगञ्ज पाइप लाइनया ज्या सिधया चितवनया लोथरतक पाइप लाइन विस्तार यायेगु तातुना ज्या न्ह्याकूगु खः ।
अमलेखगञ्जनिसें चितवनया लोथरतक ६९ किलोमिटरय् दयेकिगु उगु पेट्रोलियम पाइप लाइनया ज्या न्ह्याकेगु खँय् उच्चस्तरीय प्राविधिक पुचःनं फिल्ड अध्ययनया ज्या सिधयाः डिपिआर दयेको ज्या जुयाच्वंगु नेपाल आयल निगमया प्रवक्ता इञ्जिनियर मनोज ठाकुरं धयादिल ।
“नेपाः व भारत निगूलिं देय्या उच्चस्तरिय प्राविधिक पुचःपाखें अध्ययन जुइधुंकूगु दु”, प्रवक्ता ठाकुरं धयादिल, “पुचःनं अध्ययन याना आः डिपिआर तयार यानाच्वंगु दु ।” पाइप लाइन विस्तार याना लोथरय् छगू लख लिटर पेट्रोलियम पदार्थ मुंकेगु ज्या न्ह्याकेगु वय्कःया धापू दु । अमलेखगञ्जनिसें लोथरतक पेट्रोलियम पाइप लाइन विस्तार जुया छ्यलाबुलाय् वये धुंकाः पश्चिमी व उत्तरी नेपालय् पेट्रोलियम पदार्थ अभाव मजुइगु वय्कःया विश्वास दु ।
अथे हे, मोतिहारी–अमलेखगञ्ज पेट्रोलियम पाइप लाइन विस्तारया ज्या क्वचायेधुंका पाइप लाइनपाखें हे पेट्रोलियम पदार्थया आयात यायेगु परीक्षण न्ह्याकूगु दु । मोतिहारी–अमलेखगञ्ज पेट्रोलियम पाइप लाइन विस्तारया फुक्कं ज्या सिधःगु व परीक्षणया निंतिं पाइप लाइनपाखें हे पेट्रोल व मचिकं हयागु नेपाल आयल निगम मधेस प्रादेशिक ज्याकुथि अमलेखगञ्जया प्रमुख प्रलयङ्कर आचार्यं धयादिल ।
“पाइप लाइन परीक्षण यायेत आःया निंतिं विस्तार यानागु पाइप लाइनं हे पेट्रोल न्याद्वः व न्यासः केएल व मचिकं द्वःछि केएल हयागु दु”, वय्कलं धयादिल, “पाइप लाइनपाखें हयागु पेट्रोलियम पदार्थया परीक्षण जुयाच्वंगु दु ।” थ्व नापनापं पाइप लाइनं हे पेट्रोलियम पदार्थया नियमित आयात यायेत माःगु तयारी नं जुयाच्वंगु वय्कःया धापू दु ।
निगूलिं देय्या प्रधानमन्त्रीं मंकाः कथं पाइप लाइनया उलेज्या याकुगु बाय् गथेयाना नियमित आयात न्ह्याकेगु विषय्स सहलह जुयाच्वंगु धयादिसें वय्कलं जनवरी २०२५ निसें पाइप लाइनं हे पेट्रोलियम पदार्थया नियमित आयात यायेगु धाःसां छुं छुं ज्या त क्वमचाःगुलिं छुं न्हि लिपा लानाच्वंगु धयादिल ।
लुम्बिनी : नेपालस्थित भारतीय दूतावासले लुम्बिनीमा बुद्ध जयन्ती मनाएको छ। लुम्बिनी विकास कोष र लुम्बिनी बौद्ध विश्वविद्यालयको सहकार्यमा कार्यक्रम सम्पन्न...
काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...
काठमाडौंः स्थानीय बजारमा आज सुनचाँदीकोे मूल्य बढेको छ । सुन प्रतितोला रु तीन हजार ४०० र चाँदी रु १३५ ले...
