राप्तीइ ४१ म्ह गोही त्वःतल

नयाँ विकल्प संवाददाता
प्रकाशित मिती: २०८१ पुष २४, १९: ५६

चितवन : चितवन राष्ट्रिय निकुञ्जं घडियाल गोही प्रजनन केन्द्रय् लहिनाःतःपिं ४१ म्ह गोही राप्ती खुसिइ त्वःतूगु दु । वंगु साउननिसें स्वक्वः याना छम्ह मिजंम्हनापं ४१ म्ह गोही खुसिइ त्वःतूगु खः ।

निकुञ्जया सुचं अधिकारी अविनाश थापामगरया कथं थुगुसिइ मेपिं ६० म्ह गोहीयात प्राकृतिक बाय्सं त्वतेत्यंगु दु । थौंनेया आर्थिक दँय् सच्छि व न्याम्ह गोही खुसिइ त्वःताःगु धयादिसें वय्कलं खुसि सिथं गोहीया खँेय् मुना हयाः प्रजनन केन्द्रय् मचा थ्वयेकेगु अले थन थ्वःपिं मस्तय्त लिपा खुसिइ त्वःतेगु याना वयाच्वनागु धयादिल ।

आःतक राप्ती, नारायणीलिसें देय्या थीथी खुसिइ याना झिंगुसः व ९८ गोही त्वःतेधुनाःगु निकुञ्जया सुचं अधिकारी थापामगरं धयादिल । खुसिइ त्वःतुपिं गोहीया मस्त म्वाइगु ल्याः धाःसा तसकं म्हो जक दु ।

थापामगरं थौंने यानाःगु सर्वेक्षणय् राप्तीइ सच्छि व ५२ म्ह व नारायणीइ सच्छि व स्वम्ह गोही ल्याः खानाःगु खँ कनादिल । आः प्रजनन केन्द्रय् न्हय्सः व ५९ गोही दु । उकी मध्ये सच्छि व ९५ नकतिनिपिं, प्यसः व ३२ म्ह बःचाधिकःपिं, सच्छि ल्याय्म्ह व ३२ म्ह तःधिकः जुइधुंकूपिं दु ।

घडियात गोही सङ्कटापन्न धलखय् लायेधुंकूगु सरीसृप वर्गया प्राणी खः । न्हापा न्हापा पाकिस्तान, बङ्गलादेश, भुटान, म्यानमारलिसेंया देशय् तकं दुपिं घडियाल आः वया नेपाः व भारतय् जक ल्यं दनि । सन् १९४० या दशकय् तक थुकिया ल्याः हलिंन्यंकं झिद्वःति दूगु खःसा सन् १९७० वयाः थुकिया निगू प्रतिशत ल्याखँ जक अस्तित्वय् ल्यंगु खनेदूगुलिं थुकिया संरक्षणय् चिउताः तयागु संरक्षणकःमितय्सं धाःगु दु ।

चितवन राष्ट्रिय निकुञ्ज नीस्वने धुंकाः सन् १९७५ य् कसराय् घडियाल प्रजनन केन्द्र पलिस्था याःगु खः । उगु इलय् देय्न्यंकं सच्छिसिबें म्ह्वःया ल्याःखँजक घडियाल ल्यं दनिगु अनुमान याःगु खः । खुसिइ मनुया चहःपहः अप्वःगु, खुसिया उत्खनन, प्रदूषण, मनूतय्सं न्या लाइगुलिसेंया गतिविधिं याना गोहीतय् प्राकृतिक बाय् असुरक्षित जुयावनाच्वंगु थापामगरं धयादिल । खुसिबाः वइबले गोहीत सीमापार तक नं चुइकाः यंकीगु धकाः वय्कलं दुःख प्वंकादिल ।

सम्बन्धित समाचार

भारतीय दुतावासले लुम्बिनीमा मनायो बुद्ध जयन्ती

२०८१ पुष २४, १९: ५६

लुम्बिनी : नेपालस्थित भारतीय दूतावासले लुम्बिनीमा बुद्ध जयन्ती मनाएको छ। लुम्बिनी विकास कोष र लुम्बिनी बौद्ध विश्वविद्यालयको सहकार्यमा कार्यक्रम सम्पन्न...

बुद्ध जयन्तीकै दिन भत्काइयो गुम्बा

२०८१ पुष २४, १९: ५६

काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...