- अनामनगर काठमाडौँ
- infobikalpa21@gmail.com
येँ : ऊर्जा, जलस्रोत नापं सिँचाइमन्त्री दीपक खड्कां उत्पादित ऊर्जाया बजाः सुनिश्चित जूगुलिं विद्युत् ख्यलय् लगानी यायेत निजी ख्यःयात इनाप यानादीगु खः ।
विद्युत् नियमन आयोगं जुइगु कार्यसम्पादनयात प्रविधिमैत्री दयेकेगु तातुनां आयोगं दयेकूगु ‘डकुमेन्ट म्यानेजमेन्ट सिस्टम’या थौं शुभारम्भ यानादिसें मन्त्री खड्कां उत्पादित विद्युत् बजारीकरणया समस्या मदुगुलिं ऊर्जा ख्यलय् लगानी यायेत सकसित नं इनाप यानादिल ।
ऊर्जामन्त्री खड्कां सरकारं सन् २०३५ तक २८ द्वः व न्यासः मेगावाट विद्युत् उत्पादन यायेगु आज्जु तयातःगु धयादिसें उगु आज्जु पूवंकेत थजाःगु प्रविधिं ग्वाहालि याइगु भलसा कयादिल । विद्युत् उत्पादनय् खने दुगु समस्यात बुलुहुं सरकारं ज्यंकायंकी धइगु वय्कःया धापू दु ।
मन्त्री खड्कां देय्या विकास यायेगु मू आधार ऊर्जा ख्यः जूगुलिं थुकिया विकास यायेत निजी ख्यःया महत्वपूर्ण योगदान दुगु खँ धयादिल । “स्रोतय् सकसिगु नं अधिकार बराबर दइ, जलविद्युत्पाखें सरकारं गरिब व विपन्न छेँजःपिंत म्ह्वतिं नं निगू लखनिसें अप्वलय् न्यागू लखतकया शेयर बियाः म्ह्वः आय दुपिं नागरिकतय्गु आर्थिकस्तर थकायेगु कुतः याःगु दु”, वय्कलं धयादिल ।
ऊर्जा, जलस्रोत नापं सिँचाइ मन्त्रालयया सचिव सुरेश आचार्यं ऊर्जा विकासया निंतिं सरकारं क्वःछिनातःगु आज्जु पूवंकेत आयोगया जिम्मेवारी महत्वपूर्ण जुइगु धयादिल । “अप्वः सेवाग्राहीत वइगु ज्याकुथिइ अनलाइन प्रणालीया विकास यायेबलय् ज्या याकनं, व अःपुक जुइ”, वय्कलं धयादिल । साइबर सुरक्षाया समस्या ज्यंकाः अनलाइन प्रणालीयात व्यवस्थित ढङ्गं न्ह्याकाः यंकेमाःगुलिइ वय्कलं बः बियादिल ।
स्वतन्त्र ऊर्जा उत्पादकतय्गु संस्था (इप्पान)या नायः गणेश कार्कीं सरकारं हःगु ‘ऊर्जा विकास मार्गचित्र–२०८१’ देय्या जलविद्युत् विकासय् ऐतिहासिक जुगु धयादिल ।
विद्युत् नियमन आयोगया नायः रामप्रसाद धितालं आयोगपाखे बिइगु सार्वजनिक सेवा प्रवाहयात प्रविधिमैत्री दयेकाः गुणस्तरीय, जिम्मेवार नापं जवाफदेही दयेकेत, अन्तर्राष्ट्रिय अभ्यासयात नालाः सार्वजनिक सेवायात प्रविधिमैत्री दयेकेत अनलाइन प्रणाली शुभारम्भ याःगु धकाः धयादिल ।
नायः धितालं वइगु इलय् आयोगं बिइगु दक्व सेवा नापं कामकारबाही पूवंक प्रविधिमैत्री यायेगु अभियानय् आयोग प्रतिबद्ध जुगु ध्वाथुइकादिल । आयोगया दुजः गौतम डङ्गोलं अनुमतिपौ कयातःम्ह मनू वा सङ्गठित संस्थां आयोगं सम्पादन याइगु शेयर पिथनेगु, विद्युत् न्यायेगु मिइगु सम्झौताय् सहमति व संशोधन नापं शेयर संरचनाया ह्यूपाःसम्बन्धी दक्व ज्याखँत अनलाइन प्रणालीपाखें जुइगु सुचं बियादिल ।
लुम्बिनी : नेपालस्थित भारतीय दूतावासले लुम्बिनीमा बुद्ध जयन्ती मनाएको छ। लुम्बिनी विकास कोष र लुम्बिनी बौद्ध विश्वविद्यालयको सहकार्यमा कार्यक्रम सम्पन्न...
काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...
काठमाडौंः स्थानीय बजारमा आज सुनचाँदीकोे मूल्य बढेको छ । सुन प्रतितोला रु तीन हजार ४०० र चाँदी रु १३५ ले...
