‘आदिवासीतय्गु म्हसीका बचे यायेत मांभाय् संरक्षणय् बः बिइमाः’

नयाँ विकल्प संवाददाता
प्रकाशित मिती: २०८१ माघ २, २१: ०४

येँ : नेपाल आदिवासी जनजाति महासङ्घया नायः गेल्जे लामा शेर्पां आदिवासी जनजातिं थःगु म्हसीका बचे यायेत मांभाय् संरक्षणय् बः बिइमाःगु धयादीगु दु ।

नेपाल मगर सङ्घं मगर समुदायया प्रमुख सांस्कृतिक नखः माघे सकरातीया झ्वलय् ग्वसाःग्वःगु समारोहय् नायः शेर्पां जातीय म्हसीका, कला, संस्कृति, रहनसहन बचे यायेत मांभाय् न्हापांगु प्राथमिकताय् लाः धइगु धारणा तयादिल ।

लिपांगु इलय् समय आदिवासी जनजातितय्गु मांभाय् तनांवनाच्वंगुलिं चिन्ता कयादसिें वय्कलं थथे धयादिल, “झीगु प्रमुख विशेषता मांभाय् खः । मांभाय् दःसा झीपिं दइ । थन थौं ज्याझ्वः सञ्चालकतय्सं मांभाय् छ्यःगु जूसा उत्प्रेरणा दइगु खः । झीसं भाषाया संरक्षणय् विशेष बः बिइमाःगु आवश्यक जू ।” संस्कार, संस्कृति, वेशभूषालिसें मांभाय्या संरक्षणय् सकलें छवाःछधी जुइमाःगुलिइ वय्कलं बः बियादिल ।

नेपालय् जूगु दक्व ह्यूपालय् आदिवासी जनजातितय्गु योगदान महत्त्वपूर्ण जूगु न्ह्यथनादिसें नायः शेर्पां ह्वःता धाःसा मेगु समुदायतय्गु ल्याखय् म्ह्वः जक आदिवासी जनजातितय्त दुगुलिं वइगु इलय् खनेदयेक ब्वति दयेमाः धकाः धयादिल । “झीगु समुदायं तप्यंक प्रकृतिलिसे सरोकार तइ । प्राकृतिक स्रोतसाधन मदयेकं आदिवासी जनजातितय्गु जीविकोपार्जन जुइफइमखु”, वय्कलं धयादिल, “झीगु हकअधिकार सुनिश्चित याकेत झीपिं हे सचेत जुइमाः ।”

सम्बन्धित समाचार

बुद्ध जयन्तीकै दिन भत्काइयो गुम्बा

२०८१ माघ २, २१: ०४

काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...