प्रधानमन्त्रीपाखें ‘सगरमाथा संवाद’ ज्याझ्वःया उलेज्या

नयाँ विकल्प संवाददाता
प्रकाशित मिती: २०८१ माघ ८, २०: ५८

येँ : प्रधानमन्त्री केपी शर्मा ओलीं आः वइगु जेठ २ निसें ४ गतेतक येँय् जुइगु ‘सगरमाथा संवाद’ ज्याझ्वःया उलेज्या यानादीगु दु ।

अन्तर्राष्ट्रिय हिमनदी दँ २०२५, या लसताय् थौं प्रधानमन्त्री व मन्त्रीपरिषद्या ज्याकू, सिंहदरबारय् वन व वातावरण मन्त्रालय व परराष्ट्र मन्त्रालयपाखें ग्वसाःग्वःगु छगू ज्याझ्वःया दथुइ प्रधानमन्त्री ओलीं संवाद ज्याझ्वःया ‘लन्चिङ’ यानादीगु खः ।

सरकारपाखें न्हापांगुखुसिइ जलवायुया ह्यूपाः, च्वापुगुँ व मनूया जीवनया भविष्ययात केन्द्रय् तयाः निदँय् छक्वः थुजाःगु विश्वव्यापी संवाद न्ह्याकेगु ग्वःसाग्वःगु खः । प्रधानमन्त्री ओलीं नेपालं छाय् थुजाःगु ज्याझ्वः यायेत्यंगु धयाःगु विषयलय् सम्बोधन यानादीगु खः । नेपालं जलवायु न्यायया सन्दर्भय् अन्तर्राष्ट्रिय ख्यलय् सशक्त धंगं सः तयावयाच्वंगु दु ।

ज्याझ्वलय् उपप्रधानमन्त्री, मन्त्री, सचिव, विशिष्ट अधिकारी व नेपाःया कूटनीतिक निकायया प्रमुख व प्रतिनिधिपिं नं दुथ्याः ।

सम्बन्धित समाचार

बुद्ध जयन्तीकै दिन भत्काइयो गुम्बा

२०८१ माघ ८, २०: ५८

काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...